Azaroaren 25ean, Beldur Barik kamisetak serigrafiatzeko tailerra egingo da Irungo Martindozenea Gaztelekuan. Bitamine Irungo sorkuntza eta arte faktoriako bi kidek serigrafia teknikaren sekretuak azalduko diete gazteei, eta ondoren, nor bere kamiseta serigrafiatzeko aukera izango du. Horretarako, gazteek euren kamiseta eraman behar dute etxetik, eta zuria bada, hobe, irudia ondo serigrafiatuta gera dadin.
Honakoa Emakumeenganako Indarkeriaren aurkako egunaren harira Irunen gazteei begira antolatutako ekimena da. 17.00etatik 18.30etara gauzatuko da tailerra, eta ondoren, ohiko elkarretaratzea egingo da Zabaltza Plazan, 19.00etan.
Artea eta Beldur Barik Jarrera zabaltzeko aukera ez galdu!