Kategoria: Zure Herria euskaraz

BASAURIKO TOKIKO BELDUR BARIK LEHIAKETA 2020. BAZATOZ?

Asteazken honetan, urriaren 21ean, Batera Bikain programatik dinamika bat aurrera eramango da Basauriko Beldur Barik tokiko lehiaketarako bideo bat prestatzeko asmoz. Marienean egingo den tailerrean parte hartzera gonbidatuta daude 12 eta 26 urte bitarteko Basauriko gazte guztiak. Beldur Barik Jarrera erakusteko prest al zaude?

Eta zer landuko da?

Basauriko Beldur Barik lekuak aurkitu eta aztertuko dira, eta baita seguru sentiarazten ez gaituzten espazioak ere. Zergatik ez gaude eroso toki batean? Nola eman diezaiokegu buelta egoera horri?

  • Udalerriko tratu oneko guneak eta segurtasunik gabe sentiarazten gaituzten lekuak identifikatuko dira.
  • Ekintza eta autozaintza praktika berriak ikasi.
  • Ikasitako guztiarekin bideo bat grabatuko da Basauriko Beldur Barik lehiaketan parte hartzeko.

900€ daude sarietan. Animatu parte hartzera eta irabazi!

 

Basauriko Beldur Barik Lehiaketarako dinamika. Basauriko Beldur Barik tokiak dekubrituko dira. Azaroaren 21ean arratsaldeko 17:30etan Marienean.


20/10/20

RAP FEMINISTA TAILERRA (16-35 urteko gazteei zuzendua. Mistoa)

 

 

Raparen bidez, askapen eta adierazpen modu bat ezagutuko dugu, zentsurarik eta formalismorik gabe, eta gure errealitatea aldatuko dugu, jabekuntza feministaren bidez. Gure egunerokotasunari eragiten dioten mekanismo sexistak identifikatuko ditugu, eta horiei buruz gogoeta feminista eginez normalizatzera joko dugu.

Hezitzailea: “La Basu” (Elena Caballero) Rap feministaren erreferentea Estatuan.

Eguna: Azaroaren 24ª

Ordutegia: 18:00etatik 20:00etara

 

Tailerra doakoa da eta plaza mugatuak dira. Sestaon erroladatutako gazteak izango dute lehentasuna.

 

Izen-emateak: Sestaoko udalaren berdintasun zerbitzuan. Izena emateko web orrian daukazuen formularioa bete beharko duzue: Ahalduntze eskola , edo 944729037 telefonora deituta (ez dira izen emateak presentzialki egingo)

 

Informazio gehiago


13/10/20

ERAKUSKETAK. AÑANAKO GAZTEAK ETA BERDINTASUNA. AÑANAKO KUADRILLA. ARABA

15/09/20

BASAURIKO TRATU ONEN MAPA

Gazte basauriarrak Tratu Onen Mapa eratzeko lanean hasi dira. Ezagutzen al duzu? Basauriko Marienea emakumeen etxeko Batera Bikain programak aurrera atera duen proiektua da.

Herri honetako emakumeek aurretik bi mapa egin dituzte. 2002.urtean Basauriko Hiria Kolektiboak neska gazte talde batzuekin batera “Emakumeentzako Hiri Debekatuaren Mapa” sortu zuen, eta bertan identifikatu zituzten, herritik zehar ibiltzerakoan, bereziki gauez, beldurra sentitzen zuten lekuak. 2011.urtean, Zaida Fernándezek “Mapa de las Huellas de las mujeres en Basauri” lanarekin herriko emakumeen memoria kolektiboa berreskuratu eta ikusarazi zuen.  Hamarkada baten ostean, hirugarren mapa honen helburua herriko pertsona guztiak eroso, seguru eta aske sentitzen diren espazioen sarea sortzea da.

Gustatuko litzaizuke parte-hartzea? 

Gazteen esku dago mapa hau pixkanaka osatzen joatea. Kalean daudenean konfiantza ematen dien espazio seguruak identifikatuko dituzte. Beraz, espazio seguruak, feministak, LGBTIQ+ guneak…  batuko ditu mapak. Giza eskubideak eta aniztasuna errespetatzen duten lekuak egongo dira bertan.

Beraz, Basaurikoa bazara, edo bertako gazteak ezagutzen badituzu, helarazi iezaiezu ekimen hau, ez daitezela proiektu honetan parte hartu gabe geratu!

Klikatu hemen nola parte hartu jakiteko, oso erraza da eta hau martxan dago!

Gora Basauri!

TRATU ONEN MAPAN EGOTEKO BETE BEHARREKO IRIZPIDEAK:

  1. Zu zeu zarena izateko eskubidea duzula sentitzen duzu. Berdin du zein den zure orientazio eta identitate sexuala, etnia, adina, interes politiko eta erlijiosoak.
  2. Edozein egoera edota edozer gauza bizi arren, espazio honetara laguntza eske jo dezakezu.
  3. Zu zeu izan zaitezke! Ez duzu zure jarrera aldatu behar eroso sentitzeko.
  4. Giza eskubideak defendatzen dira. Munduko edozein tokitako pertsonak izateagatik guztiok merezi ditugun eskubide unibertsal horiek defendatzen dira.
  5. Inklusioa benetakoa eta kontzientea da. Pertsonen aniztasuna errespetatzen da eta balioa ematen zaio. Adin desberdinak, larruazalaren kolorea, jatorriak, sexualitateak ondo hartzen dira.
  6. Kokapen egonkorra du.
  7. Aniztasun Funtzionala eta organikoa duten pertsonentzat egokituta dago, hala nola bainugela egokituak, arrapala sarreran, zeinu-hizkuntza itzultzea, itsuentzako irakurketa-idazketa, etab.
  8. Espazio segurua eta konfiantzazkoa izatea sustatzen da, herritarrak eroso, seguru eta aske sentitzea du xede.
  9. Herriko beste espazio batzuekin aliantzak sortzen dituen eta sare komunitarioa sortzea bilatzen duen espazioa da.
  10. Matxismorik gabeko espazioa da.
  11. Borroka feminista aldarrikatzen duen espazioa da.

Zure Herrian Basuri | Tu Pueblo Basauri


05/08/20