Kategoria: Gorputzak

BIKINI BELDUR BARIK OPERAZIOA

Udaberri osoa konfinatuta egon gara, ez ditugu gure lagunak ikusi, munduko pandemia baten parte izan gara eta… etengabe entzun ditugu egoera horren ondorio larriak: GIZENDUKO GARA!

Alde batetik, konfinamenduaren aurreko (argalak) eta ondorengo irudiak (lodiak), gorputz potolen bideoak… elkar partekatu ditugu. Horrez gain, influencer batzuk barkamena eskatu dute aurten “bikini-gorputzarik izango ez dutelako”…

Eta orain, uda heldu da, hondartzan lagunekin bainatu gaitezke, crush hori berriro ikusiko dugu… dietei buruzko iragarkiak ikusten hasi gara, gosea kentzeko pastillak,  eta  hori gutxi balitz, zure ama eta zure lagunak dietan hasi dira. Argh! 24 ordu horrekin!

Urtero berdin gaude, baina zergatik ematen du neskek beti “perfektu” egon behar dugula? Besteei bizitza/bista alaitzeko jaio al gara? Eta zer da “apaindu” behar izate hori? Zikin al gaude? ‘Hautsita’ al gaude?

Ziur mutilei entzun diezula ikaskideren baten gorputzari buruzko aipamenak egiten (objektu bat balitz bezala). Askotan guk geuk ere beste nesken gorputzei buruzko kritikak egiten ditugu, gure artean txikikeriaren bat dagoenean. Egunero, gure gorputza nola aldatu esaten diguten mezu pila bat jasotzen ditugu, presio estetikoa izugarria da, eta normala da gure artean alderatzea, gure influencer gogokoenen argazkiak ikustean gure autoestima jeistea edo gure gorputza ez dela behar bezain polita edo desiragarria birplanteatzea.

Normalean, gorputz perfektua irudikatzen dugunean, edertasun oso konkretua irudikatzen dugu. Emakume gazteak, zuriak, dibertsitate funtzionalik gabeak, brontzeatuak, altuak (baina ezta ere gehiegi), gehienetan ilehoriak, oso argalak, baina aldi berean ipurdia, titiak handiak dituzrela, eta abar luze bat. “Eta ni nolakoa naiz?” galdetzen diogu feure buruari.

Zer gertatzen da gure gorputza iragarkietan edo sare sozialetan agertzen denarena bezalakoa ez bada? Zer gertatzen da ‘moldeak hausten’ baditu?

Gorputz guztiak dira politak eta desiragarriak, izan ere, gustuak mota askotakoak dira! Utz diezaiogun estereotipoak erreproduzitzeari eta utzi gorputzak taburik gabe bizitzen!

Gozatu zeure gorputzaz, jantzi nahi duzun bezala, mugitu bootya eta dantzatzera! Zuk markatu zeure arauak! Eta gogoan izan zure gorputza estetika baino askoz gehiago dela, egunero zutik mantentzen zaituena dela, mendi batera igotzen zaituena, eguzkiaren beroaz eta itsasoaren lasaitasunaz gozatzen duena.

Estereotipoekin hautsi eta Beldur Barik bizitzaz gozatu nahi dugulako…

Operación Bikini Beldur Barik. Rompe con los estereotipos y a disfrutar. | Bikini operazioa Beldur Barik. Hautsi estereotipoekin eta gozatu.

Hautsi ditzagun moldeak!

  • Utz diezaiogun gure edo besteen gorputzak erasotzeari eta zigortzeari.
  • Ez egin zure gorputzari buruzko komentario iraingarririk. Zure gorputzaz gaizki hitz egiteak boomerang efektua du, eta zure inguruko pertsonengan segurtasunik eza eragin dezake.
  • Defendatu zure lagunak mutilek haiei buruz objektu gisa hitz egiten dutenean.
  • Bikini edo hondartzako gorpuak defendatu. Bikinirik baduzu? Hondartzara zoaz? Hortaz, baduzu hondartzako gorputz bat!

Neurri, forma eta kolore guztietan gatozelako, eta denak berdinak izango bagina bizitza oso aspergarria izango litzatekeelako! Imajinatzen duzu denok molde beretik aterako bagina? Kopia berdinak bata bestearen atzetik?

Udako tip-ak!

  • Nahi duzulako egin kirola, eta ez gizentzeko beldurrez zaudelako! Gozatu endorfinen txutea, eta ez erre den kaloria kopurua.
  • Zaindu zeure burua barrutik eta kanpotik. Saihestu gosea pasarazten dizuten eta debekatutako janariak ezartzen dizkizuten dietak. Izan zaitez fidel zure beharrekin eta ez ezarritako arauekin, inork ez du zure gorputza zuk baino hobeto ezagutzen! Ulertu zer sentitzen duzun ondoen, fisikoki eta mentalki.
  • Identifikatu zure gorputzari egiten dizkiozun kritikak eta gainerakoekin egiten dituzunak. Zergatik kritikatzen dugu gure gorputza edo gainerakoena? Zer adierazi nahi dugu?
  • Zeuren buruarekin konplexuren bat duzula nabaritzen duzuenean eta eguna tristetzen ari bazaitu horrek: Idatzi nola sentitzen zaren. Zergatik sentitzen zara horrela? Zergatik etorri zaizkigu burura pentsamendu horiek?
  • Eta gogoan izan beti: merezi duzula maitatua eta desiratua izatea.

“Normaltasun berri bat” nahi dugulako, iraganeko araurik gabe, denok sartzen garen normaltasun berri bat.

Aurten Bikini Beldur Barik operazioa!  

GAI HONETAN SAKONTZEKO:


28/07/20

“HILEKOAK MIN EMATEN DIT”

Mina, deserosotasuna, mina, usaina, mina, ondoeza, deserosotasuna, mina, “buffff-a”, mina…

Horiexek izan dira 30 urtetik beherako hogei bat neskari burura etorri zaizkien lehen hitzak, hilekoa entzutean. Beno, “zikloren” bat eta “ilargiren” bat ere aipatu dira (itxaropena badagoela dirudi).

Ez al da bitxia hilekoa dugun pertsonok hilero behin, gutxi gorabehera, hainbeste gogaitzen gaituen gertaera fisiko hau izatea, eta hain lasai egotea?

Ei! hilean behin hileko aaaaaasko dira gure bizitzan zehar (450 inguru).

Nolatan ez gara ari zerua eta lurra mugitzen horri irtenbidea bilatzeko????

Ba, ibuprofenoak hartu eta ez dugu oso ozen hitz egiten, ez gara kexatiegiak izango. Ez da ahultasuna erakusteko momentua. Egokitu zaiguna da, eta kitto. Guztiarekin Aurrera egin dezakegu. Show must go on.

Gainera, horretaz ez da hitz egiten. Ez behintzat naturaltasun handiz. Tanpoi eta konpresen lau iragarkik, benetako esperientzietatik abiatu beharrean, hodei eta likido urdinezko mundu bat saltzen digute, eta usainik ez hartzea eta ia ez nabaritzea lor dezakegula espero dugu. Ez ikusiarena egin.

Eta horrela, komunera joateko poltsatik ateratzen dugun konpresa asko ikus ez dadin ahalegintzen gara, kontu handiz ibiltzen gara galtzak ez zikintzeko, eta hobe dugu etxean geratzea hilekoa jaisten zaigun egun horretan, “bola zomorroa” bagina, ez gaitezen koadrilanfestaren tristura izan.

Eta, jakina, barre egiten jarraitzen dute lagun arteab baten batek esaten duenean: “joe, aizu, badirudi hilekoa duzula”. “Hori nesken kontua da”.

Ba, begira, esaldi hauek guztiak patriarkatuaren gauzak dira.

Gizarte honetan oraindik ere, emakumeon gorputzekin zerikusia daukan guztia ikusezin edo negatibotzat hartzen da, eta emakumeok gaizki badaramagu asuntoa, gure arazoa dela sinestarazten digute.

Ba aizu, ba al dakizu zer?

EZ, EZ DA NORMALA MIN EMATEA ETA HAINBESTE MOLESTATZEA.

EZ DA NORMALA GURE GORPUTZEI BURUZ HAIN GUTXI JAKITEA

EZ DA NORMALA HILEKOA EXISTITUKO EZ BALITZ BEZALA EGITEA.

Zer iruditzen zaizu horri buelta bat ematen saiatzen bagara? Elkarrekin, noski. Hona hemen hiru gako:

1. EZ DA HILEROKOA, ZIKLO BAT DA.

Batzuek esaten zuten bezala, hilerokoak, ilargiak bezalaxe, “zikloekin” zerikusia du.

Ez dugu soilik X egunetik behin odolusten (psssss ez dira beti 28 egun izaten!), baizik eta hainbat fasetatik igarotzen gara: hilekoa, aurreobulazioa, obulazioa eta hilero-aurrekoa.

Pixka bat gehiago jakiteko:

La Regla, la píldora y otras cosas que no nos han contado. Psico Woman con Enriqueta Barranco.

Espacio de desaprendizaje. Iratxe Gil. Psicóloga, sexóloga y educadora menstrual.

Menstruar consciente. ¿Qué aporta conocerse? Pikara Magazine.

Las reglas sagradas. Psico Woman | VERNE.

Gai honetan sakontzeko:

Ikusi ‘Monthlies’ Diana Fabianovaren dokumentala, 2016 (nerabeentzako)

Ikusi “La luna en ti”, Diana Fabianovaren dokumentala (2010)

Erika Irusta, hilekoaren pedagogoa:

2. KOPA EZAGUTZEN AL DUZU?

Hilekoarentzako kopa edo baginakoa deritzona, konpresak eta tanpoiak baino aukera osasungarriagoa, ekologikoagoa eta merkeagoa da.

Gainera, gure gorputzarekin kontaktuago egoteko tresna bat ere bada: ikusi, usaindu, ukitu dezakezu.

Pixka bat gehiago jakiteko: La copa menstrual | Psico Woman.

 3. AUKERATZEKO INFORMAZIOA. AHALDUNTZEKO AUKERATZEA!!!

Hitz egin dezagun hilekoari buruz, partekatu ditzagun esperientziak eta informazioa.

Nire hilekoa, gure gorputzarekin kontaktuan.


07/07/20

Uda honetan… eman dena zure gorputzarekin!

Uda heldu da, azkenik heldu da!!! Eta jaia hasi da… hasi da?

Udaldia hasi da, igerilekua, hondartza eta gainontzekoez paso egitea: azterketez, klaseez eta klase gehiagoz… baina, benetan guztiaz paso egiten dugula? Batzuetan, ondo pasatzea garrantzitsuena izan behar duenean eta maite ditugun horiekin egon behar garenean, sorbaldetan motxila astunak jartzen ditugu eta horrek ez digu uzten egoeraz behar bezala gozatzen. Hain zuzen ere, gure gorputzetan bizkarreratzen dugun motxila horri buruz ari gara… ezagutzen duzue Operación Bikini delakoa? (more…)


08/09/19

Lodifobia

Altxa eskuak potota sentitzen bazara, titi handiak dituzula uste baduzu, titi txikiegiak dituzula pentsatzen baduzu, ipurdi masailak zintzilikatzen zaizkiazula uste baduzu edota ipurdi txikiegia edo handiegia duzula pentsatzen baduzu, izter gizenak dituzula uste baduzu, pertsona baxua edo altua zerala pentsatzen baduzu, zure hilea, aurpegia edota besoak gustatzen ez bazaizkizu.

Estetikarekiko Obsesioa “ Obsesión por la Estética” egileak, Paula Fernández, Paula del Moral, Vero Orizaga, Alba López eta Saray Pérez

Behin zure logelan besoak altxatu izana irudikatu ondoren, orain pentsatu… Zure koadrilako norbait besoa jaso gabe geratuko zela uste al duzu? Eta zure ikaskideren bat? Ados, baliteke zure gelako bateren batek jaso ez izana, baina, benetan uste ahal duzu konplexurik ez duela edota segurtasuna adieraziaz, itxurak mantentzen dituela?

Normala izan daiteke, gure gorputzeko atal batzuk gustuko ez izatea, hau mundu guztiari pasatzen bait zaio. Baina emakumeon kasuan, gure gorputza aldatzea edo liraintzearen ahaleginak, gure konplexuekin amaitzeko exijentziak dirudite. Batetik aurpegirako potea, push up-a, edota Rosaliaren highlighter-a…

Aldiz, bakoitzak bere konplexu propioak izan arren, badirudi mundua beti prest dagoela POTOTA hitza erabiltzeko. Guztiak izan gaitezke lodiak, Cristina Pedroche edota Blanca Suarez pototak diren mundu batean, bakoitzaren konplexuez gain, lodiak izan. Gainera, zu gutxiesteko, edonork bere ahotan merke-merke erabili dezaken hitz bat dirudi, batez ere mutilek. Noizbait pasatu ahal zaizu, mutil batengandik paso egin ahalaz berak hitza aurpegira bota izana?

Virigie Tovarrek dio:
“Emakumeen gorputzen tamaina kontrolatzerakoan, emakumeen bizitzak kontrolatzen dira. Kontrolaren nahi hau, maskulinoa nagusi mantentzearen fantasian oinarritzen da eta fantasia hau, kulturak babesten eta indartzen du”.1

Baina hau, emakumeon artean ere ematen da, egunean zehar zenbatetan esaten du koadrilako lagunen batek “ ze lodi nagoen” edota “ezin dut hau jantzi”.

Esaldi hauek sarri esan izaten ditugu, baina guzti honek gaitzesten gauen estereotipoa iraunaraztea dakarkigu. Bestetik, elikadura desoreka dutenen kalterako ere bada.

Orduan, zer uste duzu? zure animoa baxu izatearen arrazoia, lodi sentitzen zelarako dela? Edota zure animoaren beherakada, aurretiaz gertatu den zerbaitengatik dela identifikatzeko gai al zara?

Gorputzez zabalagoa diren koadrilako lagunek, halakorik esaten al dute? Hauek, nola sentitzen direla uste duzu, lodi ez dagoen norbaitek horrelakorik esaten duenean?

Pretty Big Movement, estereotipoak apurtzen dituen Dantza taldea

Indartsu sentitu behar gara, sistema patriarkala aldatu nahi badugu eta gure autoestima elikatzea eta indartzea da aldaketarako lehen urratsa. Gure lagunak eta gure buruak, garena bezala ikustea , Emakume ederrak! Tamaina, kolore eta genero guztietan gatoz, beraz Beldur Barik jarrerarekin aldarrikatzeko ordua dugu!

1Tovar, Virgie (2018). Tienes derecho a permanecer gorda. Melusina editoriala. 59.orrialdea.


07/09/19

GURE GORPUTZAK DANTZAN BELDUR BARIK JARRERADUN MUSIKAREKIN!

Zenbat atsegin dugun gure gorputzak dantzan jartzea. Gure burmuinak musikaren doinura mugimenduan jartzea. Dantza egiteko mila modu daudela ikusi dugu. Ez dira bakarrik mugimenduak, nahiz eta gu ez mugitu, musika gure barrenetara sartu egiten da eta hortxe gelditzen dira abesti asko (ez dugu maitasun erromantikoari buruz hitzegin duten abestiek zelako ondorioak dituzten guregan zertan esan beharrik…). Gure barneetan, gure gorputzetako zirrikituetan, abestietako mezuak barneratzen ditugu batzutan, eta beste batzutan, erritmoari kasu egiten badiogu bakarrik. Eta gure gorputzak dantzan jartzen dira. Erritmoa jarraituz. Gure gorputzak, gure gorputz anitzak, gure edertasun eredu eta arauei jaramonik egin nahi ez duten gorputzak, gure sexualitatea aske bizi nahi duten gorputzak, gure azalak, gure hezurrak, gure garunak… Emma Goldman-ek primeran esan zigun: “Ezin badut dantzarik egin, hau ez da nire iraultza!”.

Eta dantza egiten duten gorputz hoiek modu positiboan bizitzera goaz!

Zure gorputza poesia baita guretzako! Eta zure eta gure mugimenduekin komunikatu gaitezke! Move your body!

Bitxia da.. askotan axola ez zaigun jendea onartzen dugu gure gorputza baino errezago… Eta garen moduak gara, eta kitto! Gure gorputzak gureak dira!

Ezer ez dago soberan… gure ildoak maitatzea iraultzailea da! Gure buruak maitatzea! Gure gorputzak Beldur Barik Jarrerarekin bizitzea!

Eta gure sexualitateari buruz hitzegiten badugu… Hiper, Hiper, hiper… hiperventilando hainbeste arauekin…


Eta gure gorputzak ere umorearekin bizi nahi ditugu…

Gure burua maitatzea primeran dago… beno, igual Megan Trainor pasatu egin da… Baina garenarekin pozik egotea da asuntua!

Naizena naizelako… Naizen modukoa maite dut nire burua!

Eta ze guapa eta guapo gauden gure rolak zalantzan jartzen… ta artaldeak esan dezala Beee!

Goazen gure gorputzak Beldur Barik Jarrerarekin bizitzera, gozatzera, mugimenduan jartzera!

Guardar

Guardar

Guardar


07/09/19

GORPUTZAK BELDUR BARIK JARRERAREKIN BIZI

Edertasuna ereduak zeintzuk diren ezagutzen ditugu. Eta hoiei aurre egiteko indarrarekin gaude! Mugatzen gaituztelako, ez digutelako gure gorputzak nahi ditugun moduan bizitzen uzten. Perfektuak izan behar dugu. Beno, perfektuak ez bagara (entzuidazue… ezinezkoa da perfektua izatea, perfektutasuna ez da existitzen. Ez dago lan perfekturik, bikote perfekturik, gorputz perfekturik…) normalak orduan izan behar dugu (eta gizarteak ezarritako normaltasun horretatik ateratzen den guztia, anormala da). Baina honez gero badakizue zertaz ari garen. Zertaz ari garen gu? Honetaz!!!

Zonbiak esnatuko ditugu! Gure garraxiekin, gure askatasun oihuekin!

https://youtu.be/qrB1J4DNcbc

Garen moduak gara! Maita ezazu zure burua! Jantzi nahi duzun moduan! Zure gorputza, zure arauak!

Arauak nork ezartzen ditu? Nork ezartzen du zer den ederra-perfektua-normala eta zer ez? Fisiko ideal bat izateari UKO! Ni be 10 bat naz!

Ispiluak berez ez du inolako kulparik… Ispiluan gu geu begiratzean eta horrelako mezuak entzuten baditugu… Ispilurik ez zigortu! Kasorik ez edertasun arauei! Goazen hoiek apurtzera!

Zuk zeuk izan! Eta besteek esaten dutenari jaramonik ez! Zuk zeuk erabaki nolakoa zaren!

https://youtu.be/LmOoDXqUJUY

Gure gorputza maitatu behar dugula esan dugu, bere osotasunean. Gure gorputzarekiko nazka sentitu behar genuela era sineztarazi nahi izan digute ere… Horra hor hilekoaren inguruan oraindik dauden tabuak (gogoratzen al dituzue konpresa iragarkiak? “¿A qué huelen las nubes?”), misterioak, mitifikazioa beste batzuetan… Sakatu hemen hilekoaren inguruko post hau gogoratzeko.

Lan honek gauza gehiagoei buruz hitzegiten digu… Amesten duguna egia egitera goaz! Adi!

Perfektuak ez garela ez ezazue ahaztu! Eta nork nahi du perfektua izan? Eta zer gertatzen da ere desberdina denarekin? Guztion berdinak izan nahi al dugu? Sorry… it’s imposible… Eta ezinezkoa izateaz gain… imajinatzen al duzue guztiok berdinak garen mundu bat? Zelako gogaitasuna! Goazen gure buruak, gure gorputzak, gure pentsamenduak, gure ezberdintasunak Beldur Barik Jarrerarekin bizitzera.

Honen inguruan ideia bati bueltak ematen bazaude, kamara hartu eta egin hausnarketa horren inguruko bideo bat eta aurkeztu Beldur Barik Lehiaketa 2017an! Zuen lanen zai gaude!


07/09/19

GORA ERTZAK!

Urriaren erdian gaude, eta gaur memoria pixka bat egitea pentsatu dugunez, zera galdetuko dizut: zer moduz joan zitzaizun uda? Hondartzara joan zinen? Hain gogoko dituzun praka horiek jantzi zenituen? Minigona agian? Ausartu zinen transparentzia horiek armairutik ateratzera? Aurten bikinia, bainujantzia edo nudismoa izan dira protagonista? Baina benetan galdetu nahi dizudana guzti honen ostean ZEEEEEEEERGAAAAAAAAATIIIIIIIIIIIK ozen eta argi bat da… beraz has dezagun galdetegia berriz ere:

  • Zer moduz joan zitzaizun uda? ZERGATIK???
  • Hondartzara joan zinen? ZERGATIK????
  • Hain gogoko dituzun praka horiek jantzi zenituen? ZERGATIIIIIK?????
  • Minigona agian? ZERGATIK???????
  • Ausartu zinen transparentzia horiek armairutik ateratzera? ZERGATIK???
  • Aurten bikinia, bainukantzia edo nudismoa izan dira protagonista? ZERGATIIIIIIIK????

Aurreko galderen erantzunak zeren arabera alda daitezke? Presta zaitez, honako post hontan ARAU ESTETIKOARI buruz hitz egingo dugulako.

Arau esteti…ZER????? Bai bai, gazteleraz NORMATIBITATEA deitzen dugun horri buruz hausnartzea da gure helburua, NORMALTZAT duguna zergatik iruditzen zaigun normala ulertzen saiatuko gara.

Beraz, has gaitezen … (danbor soinua eta tronpeten hotsa!!!)

  1. Gorputz bat daukazu?
  2. Jendarte honetan bizi zara?

Bi galdera hauen erantzuna BAI borobila izanez gero, has dezagun festa!!!

1.KANONA: Musikan, kanon bat, behin eta berriz, behin eta berriz, behin eta berriz, behin eta berriz eta beeeeehin eta berriz errepikatzen den abesti zatia da. Ados? Ederto. Hau estetikari aplikatuko bagenio, zer ikusiko genuke? Gehiegi zoratu gabe…zuk esango zenuke gaizki deitzen dugun GORPUTZ PERFEKTUA duten pertsonak gehiengoa direla planeta honetan? Hau da, modan lan egiten duten modeloen gorputza izan behar dugula gogorarazten diguten iragarki eta propaganda guzti horien funtzioa zein izango litzateke, benetan NORMALA edo ARRUNTENA halako gorputza izatea izango balitz? Esan nahi dut…ez al da bitxia pentsaraztea PERFEKTUTZAT hartzen dugun gorputz mota hain pertsona gutxik izatea? Agian horren atzean zerbait egon daitekela uste duzu? Nork irabazten du dirua edo boterea, zuk zure gorputza itsusitzat baduzu? Zenbat eta zenbat diru gastatzen duzu urtero zure itxura “zaintzen” edo “apaintzen”? Mmmm…agian galdera gehiegirekin hasi gara… Mmmm…lasai gaitezen orduan eta goazen orden pixkatxo bat jartzera…

2.ERTZAK. GORPUTZ EZ ARAUDUNAK. Barkatu baina ezin dut nire “ Un dos tres, responda otra vez” zaletasuna izkutatu… Mesedez guztion artean goazen brain storming batean burura datozkigun gorputz ez araudunak izendatzera… esate baterako… LODIAK! AZAL ZURIA EZ DUTEN GORPUTZAK! ANIZTASUN FUNTZIONALDUNAK! ZAHARRAK! ESTETIKA HETEROSEXUALA EZ DUTENAK! PERTSONA TRANSEN GORPUTZAK… Zenbat gehiago datozkizu burura? Pila bat, baietz??? Egia esan, ingurura begiratzen badugu konturatuko gara gure eguneroko bizitzetan ikusten ditugun gorputz gehienak ez direla araudunak eta ertzetan kokatuko lituzkela alta pasarelako diseñatzaile batek… Edo Zu Cibelesera eramango zintuzten? Eta zure Amama? Eta zure neba? Eta zure Ama? Eta zure lagun mina? Eta zure irakaslea? Eta zure bus gidaria?

1

ORDUAAAAAN???!!!! DENAK ERTZETAN BAGAUDE NOR DEMONTRE DAGO ERDIAN!!??? NOLA IZAN DAITEKE ARAUA HAIN ESTUA, TXIKIA ETA MUGATUA??? Galdera ona, my friend… eta ikus ezazu bideotxo hau, arren, eta gero jarraituko dugu gaiari buruz hitz egiten…

Etaaaa??? Zer iruditu zaizu??? Ezagutzen zenuen LODIFOBIA hitza? Sentitu duzu noizbait honelako zerbait? Ba al dakizu Lodiaktibismoa zer den? Ezagutzen dituzu STOP GORDOFOBIA edo LODIFOBIARIK EZ Facebook orrialdeak? Zertarako uste duzu erabiltzen direla?

Zer gertatzen da une oro zure gorputzaren kontrako mezuak ikusten badituzu? Markesinetan, telebistan, aldizkarietan, filmeetan, arropa dendetan… horrek ba al du influentziarik zure gorputzaren pertzepzioan? Eta zure autoestiman? Nola maitatu dezakezu itsusia iruditzen zaizun gorputz bat? Nola gozatu dezakezu gorroto duzun gorputz batean? Posible al da????

STOP GORDOFOBIA eta LODIFOBIARIK EZ Facebook orrialdeek kontrakoa lortu nahi dute: egunero zure gorputzaren aldeko mezuak ikusten badituzu, ZIUR baino ZIURRAGO daude, gutxinaka gutxinaka zure antzeko gorputzak daudela deskubritzean, zure gorputzaren pertzepzioa eta autoestima hobetuko direla, alegia. Zentzuduna behintzat badirudi, ez duzu uste?

Gauza bera egin daiteke aipaturiko beste gorputz ez araudunekin… edo ikusi al duzu noizbait autobusaren markesina batean gurpildun aulki batean dabilen modeloren bat? Zaharra den norbait kuleroak janzten? Zakila duen emakume bat bikini iragarki batean? Eta orduan berriz ere galdetzen dizugu…ZERGATIIIIIIIIKKKK?????? ZERTARAKOOOOO????? Guk ez dizkizugu erantzun guztiak emango, baina esan beharra daukagu zentzuduna dirudiela pentsatzeak, gure esku egon litekeela hau aldatzea…ez zaizu iruditzen? BAINA NOLAAA???? ZER EGIN DEZAKET NIK????

2

Ba hasteko bidali pikutara arau estetikoa eta norbaitek zerbait normaltzat aurkezten dizun bakoitzean KUESTIONATU ea zergatik demontre egiten duen hori. Bigarrenez, esango genizuke, GORPUTZ ANITZEN BORROKAN sar zaitezela, zuri hoberen datorkizun korrontean zure gorputzaren ezaugarriak kontuan edukita… Eta hirugarrenez baina ez horregatik garrantzi gutxiagorekin…MEZUA HEDATUUUUU!!!!! Bai Andrea, Bai Jauna, Bai Zarena! Kontatu egiozu zure Amari, dieta diskurtsoak ez duela onik egiten eta sufrimendua baino ez duela sortzen. Esan egiozu zure lehengusuari, afrikarren ile afroak ile lehun eta horiak bezain ederrak direla eta ez dutela zertan bere itxura europarrenora moldatu behar. Hitz egin ezazu zure lagunekin zure konplejoei buruz eta hausnartu zeintzuk diren horrek jartzen dizkizuen mugak eta nondik etor daitezkeen beldur horiek. Erakutsi egiozu zure Amamari Chryssalis elkarteak egiten duen lan paregabe.  Zer datorkizu burura zuri? Proposatzen duzun edozer egin daiteke, GORPUTZ ANITZEN IKUSGARRITASUNA lortzea dugulako helburu.

3

Inor ez bada “perfektoa” edo arauduna, araua ezinezko bat baino ez da. Disfruta ezazu ertzetan egoten, maitatu zure estriak, zure zelulitisa, ibiltzen laguntzen dizun muleta hori, zure ile kizkurra, zure tximurrak, zure gorputza den moduan onartu… badakigu hau ez dagoela soilik zure esku, azken finean jendarteak presio ikaragarria egiten duelako autogorrota ezartzeko…baina agian, guztiok esfortzua egiten badugu eta norabide berean lanean jardunez gero… IMAGINA EZAZU ZER NOLAKO ALDAKETA ERRALDOIA EMAN LITEKEEN HURRENGO BELAUNALDIETAN!!!!

Honen parte izan nahi???? Ba disfrutatu ezazu zure gorputzaaa eta izaeraaa!!! Denak garelako ederrraaaaaak!!! Eta ederrak ez izatekotan….norbaitek zioen moduan, edertasuna ez delako mundu honetan egoteko ordaindu behar duzun prezioa, IZAN ZAITEZ ZU ZEU!!! GORA AUTOMAITASUNAAAA!!!!! GORA ZUUUUU!!!!

Guardar


07/09/19

BILUZIK

biluzik

Ez dakit zenbat azal janzten ditugun goizetan. Ematen du biluzik esnatzen garela baina ez da horrela. Esnatzen garenean jada, dutxa azpian gaudenean ere, gure azalaren gainean azal gehiago daramatzagu jantzita. Gogoratzen naiz Miren Gaztañagak horrelako zerbaiten inguruan hitz egiten zuela, oso bere erara, Stereo antzezlanean.

Nik, dutxan nagoenean, nire gorputz biluziari begiratzen diot, eta batzuetan oso argi ikusten dut ze azal ditudan jantzita. Mutila izatearen azala da haietako bat, gaztea izatea beste bat, hemen jaiotakoa izatea beste bat… Eta horrela azal piloa.

Gimnasiako klasearen ostean dutxan gaudenean ere ez gaude biluzik. Mutila izatearen azala jantzita daramagu, ondo itsatsita. Elkarri begiratzen diogu, eta barrutik sortzen dira galderak, nahiz eta inork ez dituen ahoz esaten: besteek potoloa naizela pentsatzen dute? Axola al zaie? Eta jende guztiari gustatzen zaizkion mutil katxarro kirolari horien gorputzek eta nireak… ez dute antza handirik, ezta? Eta hankartekoa? Nirea ez da hain handia, ez da hain ikusgarria, ez zait praken azpian ere hainbeste nabarmentzen…

Aldagelakoa desira kontua da agian. Inork ez du zintzo desiraz hitz egin nahi. Gogorra delako onartzea batzuetan gure gorputza ez dugula desiratzen, edo besteena desiratzen dugula, edo besteen gorputza izan nahiko genukeela. Zertarako nahi dugu bestelako gorputz bat, baina? Arrakastatsuak izateko, “mutiko normalak” izateko. Eta zer da mutiko normala izatea ba? Denen oniritzia izatea, denei aginduak ematen aritzea, inor konturatu gabe gainera. Erdigunean egotea, hitz egiten duzunean denek entzungo zaituztela jakitea. Hori ere gure gorputz normalek egiten dute.

Erabaki dezakegu normaltasun horretatik paso apur bat egitea, zaila izango den arren. Idatzi nahi nizuen blogeko sarreratxo hau esateko ez egiteko kasu kontu horiei, gure gorputzetan bizi garela, eta ez duela inporta norbaitek dioen normalak diren edo ederrak diren edo ez. Garrantzitsuena dela gorputz horiek errespetuz tratatzea eta errespetu hori beste gorputzei ere ematea. Baina badakit oso mezu erraza litzatekeela. Momentuz esango dizuet saiatu behar dugula, gorputz perfektuen abalantxaren aurrean, barrutik lehenengo eta ahal dugunean ozen, esaten: zoazte pikutara.

Guardar

Guardar


07/09/19

ASKE SEXUALITATEAZ GOZATZEKO?

Tira, baieztapen hau mutilok sinisten jarraitzen dugun beste gezur galant horietako bat da. Eta honekin ez nabil esaten pornoa zerbait txarra denik edo ez digunik plazerik aportatzen. Baina bai askotan, pornografia kontsumitzaileok, tabua den zerbait ikusten ari garelako libreagoak garela uste dugula. Hala ere, pornoak gure sexualitatea esploratzerako orduan erraminta gisa “laguntzen” digu. Eta gozamen mota berriak esperimentatzeko, sortzeko edota garatzeko oso baliogarria jarraitzen du izaten; gure desioetaz daukagun disfrutatzeko modua elikatuz. Baina, zer gertatzen da pornografiak trasmititzen dituen ereduekin? Has gaitezen hasieratik…

Pornografia, bere hastapenetatik (orain dela denbora asko) giza sexualitatearen garapenerako oinarrizko baliabidea izan da. Debekuetatik at sexualitate alternatibo bat irudikatu ahal izateko erabilitako baliabide bisuala. Dimentsio bat non fantasien erotika praktika sexualak elikatzen dituen.

Baino ezin dugu ahaztu, orain dela gutxira arte, emakumeek (biztanleriaren erdia baino gehiago) ez dutela haien sexualitatearen aitortza izan. Gizarte bezala emakumezkoen paper sexual bakarra erreprodukzioa bermatzea zela uste bait genuen. Eta gainontzeko altxor sexualak gizonezkontzat gordetzen ziren.

Hau premisa dugula, ez da zaila pentsatzea sexualitateak orain arte gizonezkoaren aurpegia (eta gorputza) izan duela; horregatik, oraindik ere, gizarte androzentriko batean bizitzea.

Gizarte bat non oraindik gizona sexualki aktiboa eta emakumea pasiboa izan behar duen; horrek guztiak dakarrenarekin.

Gizonok sekulako pisua eta presioa sentitzen baitugu…

  • Beti jakin behar dugulako sexualki nahi duguna (eta besteek nahi dutena ere).
  • Gure gizontasuna potentzia sexualaren bidez demostratu behar dugulako.
  • Praktika sexual oro ezagutu (eta praktikatu) behar dugulako.
  • Iniziatiba sexuala izan behar dugulako.

Eta emakumeek haien sexualitatea modu hertsian bizi dute…

  • Ez direlako haien gorputzen jabe (ezta haien desirena ere).
  • Ez ditugulako plazera jasotzeko gai ikusten (gaitasun erreproduktiboaz haratago).
  • Sexualitatea bera harreman iraunkor eta egonkor bat lortzeko bidea dela esaten diegulako.
  • Haiek, osotasunean, gizonon plazer sexuala lortzeko ikusten ditugulako.

Eta honek guztiak ba al dauka erremediorik? Erantzuna argia da: “noski!”

Orokorrean irtenbidea ikusten eta erreproduzitzen dugunarekin kritikoak izatea bada, pornoarekin berdina litzateke; zapaltzen gaituen horrekin kritikoagoak izan beharko ginateke eta gutxinaka aldatu ahal izatea.

Eta zer esan nahi dut pornoak zapaltzen gaituela aipatzen dudanean?

Ba soilik gizonok eta emakumeek pornoan ditugun paperak aztertzearekin eta hauek gure esperientzietara nola trasladatzen ditugun ikustearekin nahikoa genuke hontaz jabetzeko.

Eguneko pelikula pornografikoetan (nahiz eta eskaintza asko eta praktika anitzak egon) gizonezkoen plazerak zentrala izaten jarraitzen baitu; eta ez edozein preziotan.

Adibidez, gehienetan, pelikuletan ikusten dugu nola mutilak jarrera aktibo eta menperatzailea hartzen duen eta neskak sumisoa eta menderatuarena. Eta hau ez da hain zuzen ere inolako berdintasun errealetik abiatzea; arraroa suertatuko litzaigukelako rol horiek aldatuta ikustea.

Eta zer esan pelikula hauetan agertzen diren gorputzetaz; gorputz depilatuak eta gimnasiozaleak; titi eta zakil handiak edonon. Edo ikusten ditugun praktiketaz, ia beti mutilaren orgasmoaren bueltan garatzen direnak. Gorputz eta praktika anitzak existituko ez balira bezala…

Akaso ez dira molde hauetatik ateratzen diren pelikulak existitzen?

Egon badaude, baina ez dira orokorki kontsumitzen eta gainera ez dira mutiloi erakartzen gaituzten pelikula horietakoak. Baina zergatik? Ba justuki jolas honen subjektu izaten irakatsi digutelako, eta ez objektu. Azken finean, pornoak askeago egingo gaituela irakatsi digutelako.

Baina lehen esan bezala, hau gezur galanta!! Pornoak praktika edota fantasia berriak ikasten laguntzeaz gain sexualki menderaezinak izateko nolakoak izan behar garen esaten digu eta honek asko presionatzen gaitu.

Pornoan agertzen diren gizonezkoen genitalen tamaina “ez ohikoak” direla eta, askotan gure zakila lagun baten zakil tamainarekin konparatu dugu. Pornoan penetrazioak daukan garrantzia dela eta, mutilok ez dugu ikasi neskek klitoriaren bidez askoz plazer gehiago lor dezaketela, eta ez hainbeste baginatik.

Pornoaren izaera heterozentrista dela eta, soilik emakumeak plazera eman diezagula sinistu dugu. Pornoan gizonak asko irauten dutela esan digutenez, mutil askok presioa sentitzen dute eta ondorioz “isurketa goiztiarra” sufritzen dute.

Eta horrela zerrenda luze bat egin genezake pornografiatik pairatzen ditugun hutsune guztiak azalduz.

Hala ere, ez gara zertan desesperatu behar; beste pornografía mota batzuk existitzen baitira.

Eta haien artean ikuspegi feminista batetik abiatzen den pornografia geroz eta indar gehiago ari da hartzen. Pornografia bat zeina ez den erraza topatzeko (ezta kontsumitzeko ere), estereotipoak apurtzen baititu eta sexualitatea modu osasuntsuago eta parekideago batean aurkezten baitu. Baina, laburbilduz, askeago egingo gaituen pornografia bat.

Genero arauak alde batera utzita, plazera zerbait unibertsala balitz planteatzen digulako. Ez ditu gizona ezta emakumea gauzetan bihurtzen, baizik eta persona gisa ikusten ditu biak. Eta “ohiko” pornoa hain frustrante eta baztertzaile egiten duten faktoreei buelta ematen saiatzen da.

Beraz, pornoa kontsumitzen baduzue, behintzat etikoa eta posible bada feminista izatea gomendatzen dizuet.

Nahi duzu benetan askea izan?

Ibai Fresnedo


07/09/19

GORPUTZ ANITZAK, SEXUALITATE ANITZAK

Gorputzen aniztasunari buruz askotan hitzegin dugu. Alde batera begiratu, orain bestera. Alboan dituzunak, lagunak ezagunak, zu zeu… gorputz ezberdinak ditugu. Eta bapatean, gure gorputzaren gainean aurreritsi eta epaiketa amaigabeak erortzen dira: lodia naiz, argalegia naiz, sudurra handi daukat, ipurdi txikia, ipurdi handia, mutila izanik titi handiegiak, neska izanik (edo nire burua neska bezala identifiakatuz) titi txikiegiak… Edertasuna estereotipoak gure gorputzetan itsatsi egiten dira eta gainetik kentzea lan haundia da. Baina ez ezinezkoa! Eta hori ere goputzak Beldur Barik Jarrerarekin bizitzea da!

Askotan luzatu dizuegu aldi berean erantzun erreza eta zaila duen galdera hau: nork ezartzen du zer den polita/itsusia, normala/ez normala… gai/ez gai? Nork ezartzen du sexualitateari buruz hitzegiten dugunean zer den normala eta zer den ez normala? Zergaitik sexualitate mota bat ontzat eman behar dugu eta besteak bazterretara aldendu? Eta zer gertatzen da bazterretan gaudenok elkarri begiratzen badiogu eta asko garela ikusten badugu?

Mitoei buruz hitzegitera goaz ere gaurkoan. Aniztasun funtzionala duten pertsonen eta beraien sexualitatearen inguruko mitoei buruz, hain zuzen ere. Aniztasun funtzional duten pertsonek bi mito (bale, bitara murriztu dugu, beste asko ere gainditu behar dituztelako -entzungo zenuten zapalkuntza bikoitza, hirukoitza… ren kontzeptua. Pentsa zenbat zapalkuntza mota gainditu behar dituen aniztasun funtzionala duten pertsonek-) gainditu behar dituzte. Alde batetik gai izatearen mitoa. Bai, gai izan. Aniztasun funtzionala duten pertsonak gai ez direlako ustea bait dago/dugu askotan. Eta hori gertatzen denean, askotan galdera inozoak egitera pasatzen gara (ikusi ondorengo bideoa. Aniztasun funtzionala duen pertsona bati egin behar ez diren galderak. Sakatu hemen).

Imajinatu horrelako galderak pertsona batzuen burutik pasatzen badira… nolakoak izango dira sexualitateari buruz hitzegiten dugunean… Guztiok sexualitate nahiak ditugu, guztiok gorputza sexudun gizaki eta gorputzak gara, guztiok desioa dugun eta desiatuak izan nahi dugun gorputzak, gizakiak gara. Eta hauxe da Antonio Centenok zuzendutako dokumentalaren helburua. Hona hemen Vitoria-Gasteizen egon zeneko konferentzia.

Desioak ukatu egiten dira. Sexu desiorik gabeko gorputzak izango balira bezala… Ba ez… ezagutzen al duzue Laura Gelhaar? (Sakatu hemen bere web gunera joateko). Neska honek Tinder aplikaziotik hainbeste gizonekin sexua izan zuen eta liburu batean isladatu zuen guztia…

Eta aniztasun funtzionala beste aniztasunak ezabatzen dituen mitoa? Matematika eragiketa erreza izango balitz bezala… Aniztasun funtzionala+sexualitatea=heterosexualitatea? Benga!!!! Mito hau kanpora!

“Baina… sexurik izan dezakezu?”. Ba bai, noski baietz! Guztiok bezalaxe… hala nahi badut, nire buru asexuala ere identifikatzen badut, nire sexu praktikak bestelakoak izango dira, ez? (edo kasu honetan posiblea de ez izatea). Baina hemen garrantzitsuena nahi ditugun praktikak izatea da, sexualitate askeak bizitzea.

Hemen uzten dizuegu Eitb-n agertutako erreportai hau. Sexu laguntzailearen irudiari buruz ere hitzegiten digu… Baina hau beste baterako utziko dugu…

 

Gorputz guztiak desioak bizitzeko, gozatzeko gai dira! Hamaika gorputz, hamaika sexualitate ereduak! Goazen gure gorputzak eta sexualitateak askatasunez bizitzera!

 

 

 

Guardar


07/09/19