Kategoria: Berriak

Bilgarritik haratago

A ze urtea…

Duela urte eta erdi norbaitek esan izan baligu 2021ean horrela egongo ginela, ez genukeen inoiz sinetsiko. Azterketei, lagunei, ligeei eta familiari konfinamendua eta urruntze sozialeko neurriak gehitu zaizkio. Nahikoa ez bagenu bezala!

Denbora honetan gauza asko aldatu dira, askok zuen logela ikasgela bihurtu behar izan duzue eta indarra batu azterketa beldurgarri horiei zuen kabuz aurre egiteko. Beste batzuek, hilabeteak antolatuta zeramatzaten planak atzeratu behar izan dituzue. Guztiontzat, konfinamenduak familiarengandik eta lagunengandik urruntzea ekarri du, eta pantaila baten bidez ikusi behar izan ditugu. Oso ondo dago sare sozialen bidez komunikatzea, baina ez denbora guztian. Egoera horren guztiaren erdian, errutinak aldatu egin dira, eta normala da ohitura berriak hartzea.

Photo by Christian Wiediger (Unsplash)

Askok elikadura ohiturak aldatu dituzte, beste batzuk kirol berriak egiten hasi dira, endorfinen subidoiarekin animatzeko. Batzuek urte oso batean baino lo gehiago egin dute, eta beste batzuek atseden hartzeko arazoak izan dituzte.

Lehen hilabeteetan, ikusteke genituen telesail eta film horiek guztiak ikusteko aprobetxatu dugu, zaletasun berriak hasteko, baina denbora igaro eta gero, nekatu egiten gara. Batzuetan, sare sozialak izan dira etxetik deskonektatzeko eta gainerakoekin konektatzeko modurik onena, baina baita segurtasun falta askoren gunea ere.

Zaila da bere irudia dirutan ordaintzen duen pertsona batekin alderatzea eta “gutxiago edo itsusiago”  garela ez sentitzea, eta are gehiago irudia erretokatuta dagoenean. Baina irudi hori irudi bat baino ez da. Hala ere, nire lagunengandik isolatuta nagoenean, konfinamenduaren argazkiak iragazkiekin bakarrik ikusten ditut, eta noski, nire burun bueltaka hasten da; erotzen ari ote naiz, hala lehen baino askoz itsusiago ikusten dut neure burua?

 

NORMALA DA

Egoera horren aurrean, normala da geure burua zaintzea eta dietan jartzea, “erretzeko” kirola egiten hastea edo produktu batzuk erostea. Kontsumitu ohi ditugun irudiak beti dira perfektuak, baina agi izan behar dugu ez dutela errealitatea islatzen. Gainera, fisiko bat baino askoz gehiago gara. Egunero lapsus, konplexu, beheraldi eta emozio pila bat bizi ditugu, eta batzuetan ahaztu egiten dugu hain garrantzitsua den zati hori, nola ikusten eta tratatzen dugun geure burua. Horregatik, hurrengo gakoak ekarri dizkizugu.

Photo by Lutchenca Medeiros (Unsplash)

Zeure burua zaintzeko pautak:

– Ikasi zeure gorputzari entzuten eta zurekin birkonektatzen. Horretarako, orainarekin berriz konektatzea eskatzen duen jardueraren bat egitea gomendatzen dizugu. Topera bazaude eta desborra gutxi baduzu, ‘Lojong’ aplikazioa gomendatzen dizugu, meditazio eta mindfulness dinamika ugari dituena. Gure gomendioa: ‘Camino’ programa.

– Ezarri zure mugak eta identifikatu ondo egiten dizuten eta gaizki egiten dizuten pertsonak. Ez dugu nahi txiki-txiki sentiaraziko gaituen edo garen bezala onartuko ez gaituen jenderik! Asko gara garen bezalakoak izanda.

– Seinalatu kosifikazioa. Gure gorputzak ez du zure onespenik behar! Mutilak beste neska batzuei buruz objektuak balira bezala hitz egiten ikusten baditugu, denok batera erantzungo diogu!

– Batzuetan ‘bajoiari’ aurre egiten mordo bat kostatzen zaigu, baina beti dago ondo gogoraraztea askotan gauzak ondo egiten ditugula. Gauero, lotara joan aurretik, hiru gauzatan pentsatzera animatzen zaitugu.
Batzuetan ahaztu egiten zaizu edo nagikeria ematen dizula? MoodSpace app-ak horretarako aukera ematen dizu eta askoz gehiago, ideia horiek hodeietan erregistra ditzakezu beste une batean berrikusteko. Horrez gain, zure pentsamendu negatiboak aztertu eta nola sentiarazi zaituzten aztertzeko aukera ere ematen dizu.

– Begiratu zure feed-a. Sare sozialetan ikusten duzunak eragin zuzena du zure gorputzaren pertzepzioan eta agian zure aldartean! Ziurtatu kontsumitzen dituzun edukiek ez dituztela edertasun-ideal eskuraezinak erreproduzitzen eta gorputz anitzak balioesten dituztela.

 


10/09/21

Ziberfeminismoetan nabigatzen, urik gabe?

Sare-sozial digitaletan, beste armiarma sareetan bezala, espazioak hartu edo agian espazioak pairatu egiten ditugu, biak zilegi dira.

Erredakzioa: Emoki Elkartea.

Sare sozialen ikonoen irudia
Argazkia: Brett Jordan (Unsplash).

Hasteko, feminismoen eta ziberfeminismoen artean berdintasun batzuk daudela argi dago. Baina, gaurko honetan desberdintasun batzuk daudela argi izatea komenigarria dela iruditzen zait. Zeozer bidaltzerakoan nik ezin izango dut kudeatu noraino helduko den informazio hori guztia eta are gutxiago besteek eduki horrekin zer egingo duten. Bestalde, elkarrizketak izaterakoan gaizki ulertuak egotea errezagoa da eta pertsonen arteko kontrola areagotu daiteke (app eta sareak haien pribatasunaren konfigurazioagatik ez dute komunikazio osasuntsua ahalbidetzen). Gainera, komunitate askotan espazio seguruak topatzea zaila edo ezinezkoa izaten da eta feminismoekin lotura duten kritikekin eta indarkeriarekin inpunitate handia dago, hau da, nahiz eta neurri batzuk dauden jarrera batzuk zigortzeko eta jokaera eta portaera batzuk denuntziatu daitezkeen, benetan ez dago laguntza handirik. Kontu askok zabaltzen duten informazioa diskrimatzea zaila izan daiteke eta orokorrean emakumeen gorputzak, erotikak eta jokabideak behin eta berriro kolokan jartzen dira.

Badirudi Internet eta Sare-sozialetan feminismoak bizitzeko modu asko daudela eta gure burua zaintzen ikastea hainbat ikasgai bezain garrantzitsua dela ahaztu ditzakegu, hau da, autozaintzaren bidea egitea. Ziberfeminismoan murgiltzean: mezuak, bideoak, milaka sare desberdin eta eduki anitzaren artean nabigatzean, emozio edota sentimendu desberdinak azalarazten dira eta sentitzen ditugun guztiak lekua behar dute, horrela gu geu balioztatzen garela ahaztu barik.

Argazki bat igotzean, iruzkin bat idaztean, iritzia ematean, iritzirik ez ematean, nire erotika mezu eta argazkiak elkartrukatuz disfrutatzean, nire “balore” eta “ideiekin” bat ez datorren edukia ikusi eta disfrutatzean, segurtasun eza edukitzean, igotzen ditudan gauzak igotzerakoan, besteen iritzia zein izango den pentsatzean, nire burua konparatzean eta milaka aukera gehiagotan nire emozioak eta sentimenduak oso desberdinak izan daitezke. Gutako bakoitzak sentsazio desberdin bat izango du, baina horrek indarra har dezake interneteko mounstroak duen eraginarekin.

Espazio hauen bidez areagotzen den edo diren emozioak, sentimenduak eta sentsazioak transitatu beharra dago. Eta, transizio honetan zertaz elikatu nahi dugu gure burua?

Pertsona bat ordenagailuarekin
Towfiqu Barbhuiya (Unsplash).

Nolabait gure lekua bilatzen saiatu beharko dugu, leku horretaz nekatu gaitezkela kontutan izanez eta iritzia aldatzea posiblea dela eta ez dela ezer gertatzen. Ondo legoke autozaintzan fokoa ipintzen badugu eta autoaintza hori bakoitzarena eta bakarra izango da, bakoitzak behar duen neurrira eraikia eta egina. Hona hemen gustura hartzeko edo ez hartzeko, lagungarriak izan daitezkeen ideia batzuk:

  • Kontu batzuk jarraitzea mina ematen badit, jarraitzeari utzi dezaket. Agur!
  • Nire edukia ezabatu dezaket, agian ez naizelako eduki horrekin identifikatzen jada. Garbigunera!
  • Kontutan hartu sare-sozialak modu konpultsiboan erabiltzeko diseinatuta daudela. Adi!
  • Nire erotika disfrutatzeko eskubidea daukat, presiorik gabe! Gozatu!
  • Argi eduki sare-sozialetan: mina, nekea, deserosotasuna, asperdura edo tristura sentitzen badugu, agian guretzako osasuntsua ez den edukia aukeratzen ari garela. Sentitu!
  • Gure laguneekin edozein arazo edo zalantza partekatu! Lagundu!
  • Inspiratu eta kitxikagarriak diren espazioak, kontuak eta edukia bilatu eta disfrutatu!
  • Eta sareak diren itsasontzian nabigatzen dugun bitartean, non dago ura?

Instagrameko kontu feministak

Ura gu gara, gure hurbilekoak dira, ura sentitzea da, ura beste emakumeekin inspiratzea da, ura sororitatea sentitzea da, ura lagun feministekin indarra eta ahalduntzea sentitzea da, ura hurbilekoen besarkada da, ura zaintza erdigunean jartzea da eta ura garen bezalakoak eta aske izateko bidea egitea da.

Beraz, uretara goaz?

Hementxe, inspiraziorako eta eduki interesgarriak sortzen duten emakume batzuk, gehienak sare-sozialetan topa ditzakezu:

Liburuak:

  • Feminismo para principiantes
  • El segundo sexo
  • Teoría King Kong
  • Una habitación propia

27/07/21

MOOD: NEKATUTA!

Denbora da koadrilako, klaseko edota inguruko beste mutilekin denbora pasatzen dudanean, askotan, ez naizela oso eroso sentitzen eta horrek zer pentsatu ekarri dit azkenaldian.

Ni txikitatik mutilen koadrilan egon naiz eta neska lagun asko baditut ere, mutilekin ibiltzen naiz gehienetan. Egia esan, ez dakit zergatik. Ohituragatik izango da edo nire lagun minenetako bat mutila delako…? Honen inguruan ere ez dut asko pentsatu egia esan!

Dena dela, txikitako lagunarteko oroitzapen onak baditut ere, azkenaldian ez naiz oso eroso sentitzen koadrilako edota beste koadrila bateko mutilekin. Ez da gaizki erortzen zaizkidalako. Betidanik ezagutzen gara eta! Baina, sentsazioa daukat presio bezalako bat dagoela koadrilan gauzak modu baten egiteko edo besteen aurrean jarrera mota batzuk izateko.

Un chico mira al horizonte en el mar.
Photo by Davyn Ben on Unsplash.

Adibidez, futbolean edo beste kirolen batetara gabiltzanean, nahiz eta lagunarteko partida bat izan, sentitzen dut Champions-eko finala izango balitz moduan jolasten dugula. Sarrera itsusiak eta guzti izaten dira askotan! Gainera, onena izan behar zara! Eta ni bezala, futbolean nahiko kaskarra bazara, edo inork ez dizu kasu egiten edo zuzenean baneatzen zaituzte. Eta zer nahi duzu(e) esatea, niri behintzat ez zait gustatzen nonbaiten ongietorria ez izatea.

Fisikoki ere denok “mamadísimos” egon behar garela ematen du. Nik horretan zortea daukat, izan ere nahiko gihartsua naiz eta ez daukat esfortzu handirik egin behar hori horrela izateko. Baina inguruan gihartsuak ez diren eta meheagoak diren lagunek jasaten dituzten mespretxuak asko entzuten dira.

Guzti honekin ematen du mutilon artekoa lagunarte bat izan beharrean, lehiaketa bat dela. Ea nor den onena futbolean, ea nork dituen abdominal gehien, nork ligatzen duen gehien… Nik honetara ez dut nahi jolastu. Nik lagunekin ondo pasa nahi dut eta ez lehiatu!

Horretaz gain, askotan, lehia ez dagoenean eta gure artean ondo eramaten garenean eta  koadrila batu bat garenean, badaude batzuk M.D.L.R. rolloan jartzen direla eta inguruko koadrilei (gehienetan txikiagoak edota neskak) molestatzen hasten direla. Nik holakotan oso gaizki pasatzen dut, ez zait batere gustatzen rollo hori, kriston paloa ematen dit. Gainera, ezin dut ezer esan. Zerbait esaten dudan bakoitzean ni naiz molestatzen dutena eta nire kontra jartzen dira. Holakoetan hasten dira gainera jarrera batzuk zeintzuk guztiz inkomodatzen nauten: joko nautenaren amagoak, “brometako” mehatxuak…

Inguruko mutilak “de calle” jarrera horretan jartzerakoan botatzen dituzten erronkak egitea nahi ez dudanean, dela beldurra ematen didalako, gaizki dagoela uste dudalako edota lotsa ematen didalako, “marika” edo “maricón” deitzen didate. Baita neskekin egotea erabakitzen dudanetan edo “neskentzako gauzak” egiten ditudanean. Zergatik deitzen didate “marika, maricón” neskekin zerikusia daukan zerbait egin edo esatean? Edota zergatik irain horiek? Akaso gay izatea beldurti bat izatea al da? Eta zer beldurtia banaiz? Eta zer gay banaiz? Agian banaiz! Edo ez. Baina behintzat noizbait mutilak gustatzen zaizkidala konturatzen banaiz, ez nuke horregatik lotsa edo beldurra sentitu nahi.

Una cuadrilla hablando
Photo by Eliott Reyna on Unsplash.

Azken honek gogoratu dit ere mutil lagun min bakarra daukadala inguruan. Gure arteko laguntasuna ez da gure arteko konpetizio eta kolpeen artean ematen. Gure arteko laguntasuna, nola sentitzen garen kontatzen, etxean izaten ditugun bronka ostean elkarri audioak bidaltzen, elkarrekin barreak botatzen edota aurpegira begiratuta zerbait ondo ez doala jakitean ematen da. Asko gustatzen zaidan laguntasuna da eta egia esan, pena ematen dit beste mutil batzuekin horrelako laguntasuna sortzeko zailtasunak izatea.

Azken baten, hemen kontatu dudan guztiarekin, batzuetan iruditzen zait mutila izatea eta mutilen artean aritzea kartzela bat dela eta “mutilen gauzak” egiten ez badituzu, zigorra jasotzen duzula.

Hau bada mutil izatea, nik ez dut nahi mutil izan edo behintzat beste modu bateko mutil bat izatea gustatuko litzaidake. Hasieran esan dudan presio hori sentituko ez duena, mutil erlaxatuago bat izango dena.

Chico posa ante la cámara con una camiseta que dice:
Photo by Xandtor on Unsplash.

13/07/21

LIGATZEKO PREST? EZ GALTZEKO GAKOAK

Zer da ligatzea? Zertarako ligatzen dugu?
Zer bilatzen dugu ligatu nahi dugunean? Erraz ligatzen dugu ala kosta egiten zaigu?
Zeintzuk dira gure erreferenteak ligatzeko orduan?

Prest zaude ligatzeko? Claves para no perderse. Taller dirigido a chicos de entre 12 y 26 años.

Galdera horiek bota dituzte Peio Saez de Lafuente eta Javi Molina sexologoek 12 eta 26 urte bitarteko mutilei zuzendutako online izan den ligoteo tailerrean.

Ez galtzeko gako batzuk aipatu dituzte eta hemen azpian dituzue irakurgai. Gozatu!

 

Gure desioaren garrantzia.

Nik ez badut argi zer nahi dudan, nola egingo diot aurre nire desioa beste norbaiti planteatzeko egoera horri?

  •  ‘Pertsona batengana hurbiltzen naizenean… lagun taldeko arraroa ez geratzeko egiten dut, lagunek presionatzen nautelako, edo pertsona horrek benetan erakartzen nauelako eta gerturatzeko gogoa dudalako egiten dut?’
    Funtsezkoa da galdera hau egitea hurbilketa bat egin aurretik.
  •  Betidanik gizon heterosexualoi ez digute gure emozioak adierazten irakatsi, gizon ‘ahula’ izatea esanahi zuelako horrek. Gaur egun ere, kostata aldatzen ari gara emozioen kudeaketa hau. Oraindik ere emozioak gure amari eta bikotekideari bakarrik adieraztea izaten da ohikoena, eta, beraz, oso zaila egiten zaigu askotan gutxi ezagutzen dugun pertsona bati gure desioa adieraztea.
  • ‘Eta orain zer egin behar dut? Zer esan behar dut?’ Oso deseroso sentitzen gara beti zalantza horrekin. Galdetu iezaiozu zeure buruari lehenbizi: ‘Zer nahi dut? Zergatik nago hemen? Zeren bila nabil? Bikote harreman bat nahi dut? Norbaitengana hurbildu eta jolastu nahi dut?’. Oso garrantzitsua eta funtsezkoa da norbaitengana hurbiltzen naizenean zergatik egiten dudan jakitea.
  • Nire nahiak adierazteko legitimitatea dudala sentitu behar dut, eta hori ere nire betebeharra da, besteak ezin baitit pentsamendua asmatu. Baina, nire desioak adierazi aurretik argi izan behar ditut.
  • Kontuz! Izan ere, askotan hain kezkatuta gaude gurekin fijatu daitela, ezen batzuetan zalantzan jartzen baitugu pertsona hori benetan gustatzen ote zaigun. Bestearen onespenari garrantzia handiegia ematen diogu batzuetan, eta ahazten zaigu hor egon nahi dugun ala ez.
  • Beste batzuetan hain sartuta egoten gara gure pentsamenduan, ez diogula jaramonik egiten beste pertsonari, haren seinaleei. Ligatzea ez da prozesu indibiduala, bi pertsona edo gehiagoren artean ematen den prozesu komuna baizik.

 

Beste pertsonaren seinaleei arreta jarri.

Nire nahia oso argi dudanean, batzuetan gertatzen da besteak ez duela nitaz ezer jakin nahi. Baina argi izan behar dut ezin dudala bestea hitz zehatz batzuekin konbentzitu. Desioa oso pertsonala da eta unearen araberakoa.

  • Lehen hurbiltze horren aurretik, oso garrantzitsua da beste pertsonaren seinaleei arreta jartzea, eta ez hainbeste esango dudanari, nola esango dudan, barregarri geratuko naizen, eta abarrei. Aterantz begiratzen badu etengabe, edo begiratzen ere ez bagaitu, ziur aski ez du gutaz ezer jakin nahi.
  • Behin hurbilketa eginda eta beste pertsona guri arreta eskaintzeko prest dagoela ikusita, garrantzitsua da bere itxaropenak edo nahiak zeintzuk diren ikusten joatea, horretaz konturatzea.
  • Pertsona horrengana hurbildu eta gustuko duzula planteatu baino lehen, funtsezkoa da nolabait beste modu batera insinuatzea; begirada, irribarre edo keinu batekin. Gerturatu aurretik pertsona horren feedback bat jaso ahal izateko modu bat da, eta horrela geure burua babestu dezakegu pixka bat mingarriagoa izan daitekeen aurrez aurreko ezezko bat ekidinez.

 

Ezetzari beldur

Arbuioari beldurra inoiz gaindituko ez dugun errealitatea da.

  • Oso garrantzitsua da onartzea ezetz esaten digutenean ez digutela geure pertsonari ezetz esaten. Batzuetan uste dugu gure kulpagatik uko egiten digutela, gure errua dela pentsatzen dugu eta horregatik zigortzen dugu geure burua. Baina ezetza ere kudeatzen ikasten da, entrenamendua da ezetza modu osasuntsu eta natural batean onartzea.
  • Jasoko dugun mina ere desberdina da egun konkretu batean festaren batean  adibidez ezagutzen dugun pertsona bat bada, edo duela denbora dexente ezagutzen dugun pertsona bat bada. Gaitzespena ondo kudeatzen jakitea funtsezkoa da gehiegi ez sufritzeko eta beste pertsonari kalterik ez egiteko.

 

Ni eta nire lotsak.

Arbuioaren beldur horretan lotsa sartzen da jokoan, nahiz eta gure izaeragatik berez pertsona lotsatiak izan gaitezkeen.

  • Pertsona batengana gure sentimenduak erakustera lehen aldiz hurbiltzen garen bakoitzean, nolabaiteko deserosotasuna egongo da. Baina, ‘zenbat deserosotasun gainditzeko prest gaude?’.
  • Funtsezkoa da gure ahuleziak eta akatsak ezagutzea eta onartzea. Perfekzioa ez da erakargarria.
  • Naturaltasuna eta lotsa-falta nahastu ditugu askotan. Baina, zure lotsarekin, zaren bezalakoa erakusten bazara, gauza politak atera daitezke.
  • Norbaitengana hurbildu zaitezke eta esan: ‘Kaixo, gauza hauek lotsa handia ematen didate, baina asko gustatzen nauzu’, adibidez. Erabili lotsa, ez ezkutatu. Izan ere, hori bai dela zaila, izan ere,  hiru lan egin behar dituzu: lotsa izatea, alde batera uztea eta ezkutatzea.
  • Ez da ezer gertatzen traketsa izateagatik, ez da ezer gertatzen lotsa sentitzeagatik.
    Baina kontuz! Ez da gauza bera baldarra izatea eta oldarkorra izatea; baldarra izanez gero, gauza batzuk aldatzearekin nahikoa da. Oldarkorra bazara, agian zugan interes handirik ez duen pertsona baten espazioa inbaditzen ari zara, eta are gutxiago erakarriko duzu horrela.
  • Gure ahultasuna nola erakusten dugun da giltza.

 

Ez dago ligatzeko modu unibertsalik

Ligatzeko erantzun magiko bat dagoela uste baduzu, ez da egia.

  • Norbaitekin hitz egiten duzunean, ez da hainbeste ongi edo gaizki esan dituzun gauzak. Garrantzitsuena hauxe pentsatzea da: ‘Nire adierazpidea ona izan dela uste al dut?’.
  • Ligatzeko orduan, helburu finalari erreparatzen diogu gehienetan eta ez hainbeste prozesuari. Funtsezkoa da ligatzeko prozesuan parte hartzen duten pertsona guztiek, hain zuzen ere, prozesu horretaz gozatzea; jolastea, pixkanaka bata beste gehiago ezagutzen joatea, iradokitzea, erotika hori bilatzea… Helburua oheratzea bada eta elkarrizketa ‘txapa’ bat izan bada, gaizki goaz.
    Ligatzean gozatzen dugun ala ez, gure helburua non jartzen dugunaren araberakoa da. Adibidez, gailurrera iristeko mendira joaten banaiz, eta garrantzitsuena tontorrera iristea bada, ez dut urik hartzen eta ez dut ezer eramaten, garrantzitsuena lehenbailehen iristea baita. Orduan bat-batean euritan hasten bada eta buelta erdia eman behar dut, kasu horretan zorigaiztoko eguna izango da mendian. Aldiz gure xedea paseoaz gozatzea bada, hor ez du axola tontorrera iritsi ez izanak. Gauza bera gertatzen da ligatzeko prozesuarekin.

06/07/21

EKAINAK 28, LGTBI PERTSONEN ESKUBIDEEN NAZIOARTEKO EGUNA

28/06/21

ERASO MATXISTA ETA SEXISTARIK GABEKO UDA

BELDUR BARIK 2021 UDAKO KANPAINAren barruan baliabide hauek jarriko dira eskura, udan BBJarrerarekin gazteen artean indarkeria matxistaren prebentzioa lantzeko:
 

Kartela.

Eraso Sexistak Prebenitzeko Gida.

– Merchandising-a egiteko diseinuak.
– Spotify playlist-a: Musika BBJarrerarekin.
Eraso Sexistarik Gabeko Uda 2021, kartela.

Eskuratu hemen:

Kartela.

“Eraso sexistarik gabeko egunak eta gauak” izeneko gida.

• On-line tailerrak: 

– Mutilei zuzendutako ligoteo sanoari buruzko tailerra, Peio Saez de Lafuentesek eta Javi Molinak eskainiko dutena ekainaren 30ean 12:00etatik 13:30ak bitartean (Izen-ematea doakoa da eta honako esteka honetan egin ahal izango da ekainaren 25era arte: bit.ly/LigoteoTailerra).

– Neskei* zuzendutako Autodefentsa Ziberfeminista’ tailerra, Emoki elkarteak eskainiko duena uztailaren 1ean 12:00etatik 13:30ak bitartean zoom plataformaren bidez (Izen-ematea doakoa da eta honako esteka honetan egin ahal izango da ekainaren 25era arte bit.ly/AutodefentsaZiberFeminista).

Información sobre el taller de autodefensa ciberfeminista el 1 de julio. Inscripciones en el link bit.ly/AutodefentsaZiberFeminista Información del Taller de Ligoteo sano dirigido a chicos de entres 12 y 26 años
Honekin batera, Beldur Bariken irudiarekin musukoak, txapak eta telazko poltsak egiteko proposamenak ere Intranetera igota daude (dokumentuak atalean) eta Beldur Barik 2021 musika entzuteko eta zabaltzeko aukera dago spotifyko kantuen zerrenda honetan: bit.ly/BeldurBarik21
Udarako meerchandising proposamena: Txapak, musukoak eta telazko poltsak udako irudiarekin.

Baliabideak eskuratzeko edozein zalantza edo behar izanez gero:

komunikazioa@beldurbarik.eus


23/06/21

BELDUR BARIK UDA 2021 ZUENTZAKO BI TAILER INTERESGARRIREKIN DATOR

Beldur Barik Programatik “Eraso Sexistarik gabeko Uda” kanpainaren baitan, bi tailer online antolatu ditugu. Lehenengoa Autodefentsa Ziberfeministari buruzkoa, 12 eta 26 urte bitarteko neskei zuzendua; eta bestea, berriz, Ligoteoari buruzkoa, adin-tarte bereko mutilentzat.

Autodefentsa Ziberfeministako Tailerra (Deskargatu bannerra esteka honetan)

Información sobre el taller de autodefensa ciberfeminista el 1 de julio. Inscripciones en el link bit.ly/AutodefentsaZiberFeminista

Emoki elkarteko Jone Zalduegi hezitzaileak honako gai hauek landuko ditu uztailaren 1ean, 12:00etatik 13:30era, Beldur Barik taldearen laguntzarekin online eskainiko duen prestakuntzan:

– Ziberespazioak: espazio seguruak eraikitzeko eta sentitzeko irizpideak.
– Genero estereotipoen eraikitzea espazio digitaletan.
– Autodefentsa ziberfeminista garatzeko aspektuak.
Izen-ematea doakoa da eta honako esteka honetan egin ahal izango da ekainaren 25era bitartean: bit.ly/AutodefentsaZiberFeminista

Ligoteo Sanorako Tailerra (Deskargatu bannerra esteka honetan)

Información del Taller de Ligoteo sano dirigido a chicos de entres 12 y 26 años

Peio Saez de Lafuente eta Javi Molina sexologoek tailer hau eskainiko dute ekainaren 30ean, eta honako gai hauek landuko dituzte:

– Zergatik ligatzen da eta zertarako.
– Nola ligatzen da eta non.
– Nola hurbiltzen gara.
– Desirak.

Izen-ematea doakoa da eta honako esteka honetan egin ahal izango da ekainaren 25era bitartean: bit.ly/LigoteoTailerra

Animatu parte hartzera eta zabaldu zure Beldur Barik Jarrera Uda honetan!


16/06/21

BELDUR BARIK 2021 IRUDI BERRIA!!!

Aurtengo Beldur Barik programako irudiaren egilea Uxue Bereziartua ilustratzaile gazte feminista izan da. Iaz, ikus-entzunezko lan onenari saria irabazi zuen ‘Errebelazioa’ lanari esker, eta aurtengo irudia egiteko oso prestu azaldu da.

‘Anitzak gara, ezberdinak. Gorputz forma eta kolore askotarikoak. Izaera infinitukoak. Eta Beldur Barik jarrera zabalduko dugu’. Horrelaxe definitzen du Uxuek Beldur Barik 2021eko irudia.

Zabaldu zure Beldur Barik Jarrera! 2021eko irudiak gorputz eta identitate anitzak aldarrikatzen ditu.

Mezu hau oso indartsua da. Ondo dakigunez, heteropatriarkatuak izaera eta identite eta, hortaz, gorputz zehatz batzuk izatera bultzatzen gaitu, modu askotariko indarkeriak eta diskriminazioak erabiliz. Batez ere, “normaltasun” faltsu horretatik aldetzen direnak, “bereziak”, baztertzen dira. Horren aurrean, Beldur Barik jarrera erakusten jarraituko dugu aurten ere. Gorputz anitzak ditugulako eta… gure gorputzetan, gure arauak!

Gure buruak maitatzen, eta elkarrekin sareak josten jarraituko dugu, feminismoa bidelagun.

Eta baita bide hori egiten uzten ez diguten estrukturak salatzen eta berriak sortzen.

Uxue Bereziartua Lonbide

Ikus-entzunezkoak ikasi zituenean hasi zen ilustrazioarekin esperimentatzen. Batetik eta bestetik ibili eta gero, ‘gustuko du’ egindako bidaia. Uxuek Berexi Art izenarekin sinatzen ditu bere lanak, eta berak dioenez, ‘izena bera militantzia izan da. Ideia batzuk zabaltzeko bidea, pentsamendu bat lantzekoa, errealitate bat erdian jartzekoa, komunitate bat sortzekoa’.

Baina ‘terapia’ ere izan dela dio, gorputzarekin lanketa bat egitera ekarri dio Berexi Art-ek, zerotik haste bat.

‘Besteak maitatzeko guretik hasi behar garelako, barruak irekitzea da nire proiektua, ondoren kanpora askatzeko’, azaldu du artistak.


08/06/21

BELDUR BARIK 2020 LEHIAKETAREN LAN SARIDUNAK ETA AIPAGARRIENAK

2020ko egoera kontutan hartuta, aurreko urteetan baino lan gutxiago jaso dira aurtengo lehiaketan, guztira, 204 lan, baina pozteko datua da; izan ere, horien artean, oso lan interesgarriak jaso dira.

Artikulu honetan saridunak izan ez diren lan batzuk nabarmendu nahi ditugu, landutako edukiagatik eta kalitate teknikoagatik epaimahaiak aipagarriak direla uste izan duelako eta saridunak izateko lehian egon direlako.

Hemen azpian agertzen diren lanak, Beldur Barik prozesuak lantzen jarraitzeko oso baliagarriak direla uste dugu, jakin badakigulako, Azaroaren 25a, Indarkeria Matxistaren Aurkako Nazioarteko Eguna, ez den beste egun denetan Beldur Barik jarrera lantzen jarraitu behar dugula.

 

Lehenengo kategoriako lan saridunak eta nabarmentzekoak

Saridunak

Martxoak 8: Durangotik bidalitako lan honetan nesken jarrera aktiboa, erantzun kolektiboaren mezua eta talde lana bikain erakutsi dute. Parte hartzaileak Aisha, Daniela, Izaro, Laida, Lucía, Naroa eta Aizea izan dira.

Eman buelta zure ipuinari: Ermuatik iritsi den lan honen orijinaltasuna eta garapena nabarmentzekoak dira (ikus-entzunezko pieza ondo pentsatua da) neskak eta mutilak agertzen ditu, baita talde lana eta erantzun kolektiboa ematen dio problematikari. Parte hartzaileak Naroa, June, Lucia, Ekaitz, Axpe, Lorea, Aner, Miren, Unax eta Martin izan dira.

 

Lan aipagarriak

Matxismoa denboran zehar: Lan honek feminismoaren genealogia erakusten du eta teknikoki lan oso interesgarria. Leioatik bidali dute bideo hau eta parte hartzaileak Urko, Hector, Irati, Zara, Gorka eta Iraia izan dira.

Ni ni naiz eta zer?: Bilbotik aurkeztu duten bideo honetan transmititu duten intentzio argia, plano zainduak, narratiba landuta eta Beldur Barik jarrera nabarmentzekoak izan dira. Ziortza, June, Nahia eta hiru Uxue ditugu lan honen egile.

Gaur nigatik, bihar zuregatik: Etxebarritik aurkeztu duten lan honetan mezu argia erakutsi dute, Beldur Barik jarrera bikaina eta teknikoki lan ona egin dute. Parte hartzaileak Irene, Arrate, Markel, Hugo, Haizea, Unai, Iraia, Zuzene eta Valentina izan dira.

No estoy a tus pies: Bilbotik iritsi den lan honek sorkuntza lan handia du, eta lan onenen artean egon da. Egileak Iraide, Aitana, Itxasne eta Irati izan dira.

 

Bigarren kategoriako lan saridunak eta nabarmentzekoak

Saridunak

Lerro berrien artean: Ondarrutik mezu indartsua, ahalduntzailea, publikoa, ikuslearen arreta deitzen duena erakutsi dute. Haizea, Maddi, Itxasne, Jon, Aritz, Nerea eta Niko dira bideo honen egileak.

¿Por qué?: Askotan entzuten dugu intersekzionalitate hitza, baina, zer da hori? bideo honetan oso ondo azaltzen du Berangoko Enarak horixe bera.

 

Nabarmentzeko lanak

Genero indarkeriaren txertoa: Gaurkotasuna, emozioa, emakumeen boterea adierazi dute Elorrioko gazte hauek ikus-entzunezko lan on honetan. Libe, Jone, Geaxi eta Gorka izan dira bideo honen egileak.

Gizarte feminista bat: Mezu argi eta potentea utzi digu Leioatik bidalitako lan honek, bisualki ere lan bikaina egin dute Jonek eta Amaiurrek.

Ahots morea: Sorkuntza lan ona aurkeztu dute Arrasateko Miren, Jone, Nora eta Maddik. Musika, kantua eta letra ederrak egin dituzte, eta ikus-entzunezko pieza ona sortu dute horiek dena nahastuz.

Je je je XD!: Gizarte matxista honen aurrean mutilek duten ardura ederto erakutsi dute Getxotik aurkeztu diguten lan honetan. Korporatibismoaren haustura, errealitatean gertatzen den problematika ederto jarri dute mahai gainean, eta beraz, lan oso erabilgarria da prozesuak aurrera eramateko. Paul, Aimar, Unai eta Oier izan dira lan honen egileak.

Beldur Barik denok festak gustora pasa ahal izateko: Indarkeria kulturalaren aurrean ariketa ausarta ekarri dute Irundik, haien izenak jarrita. Eskerrik asko Nora, Mattin eta Mireni lan hau aurkezteagatik.

 

Hirugarren kategoriako lan saridunak eta nabarmentzekoak

Saridunak

Oldartu: Hitz indartsuak ekarri dizkigute Bilbotik neska hauek. Mezu baikorra, argia erakutsi dute eta baita elkartasuna eta taldeko lana. Parte hartzaileak Aisha, Leire, Asier eta beste Leire izan dira.

Gure Misioa: Ikus-entzunezko lan bikaina ekarri dute honakoan, eta gainera umore ukituarekin bikain jorratu dute Beldur Barik jarrera. Iratxe Aguilerak beste kide batzuekin batera Gasteiztik aurkeztutako lana da honakoa.

 

Nabarmentzekoak

NO: Teknikoki oso lan ona aurkeztu dute Oihanek, Uxuek, Amaiak eta Ikerrek Leioatik, non mezua gorpuztu egiten den, emakumeen gorputzen gaineko indarkeria bikain erakutsi dute.

Aldatzeko garaia: Matxismoaren aurrean mutilen jarrera aktiboa erakutsi dute Bilbotik aurkeztu duten lan honetan. Iker, Andoni, Alain eta Ander izan dira egileak.

Diferentes: Aniztasuna ondo islatu dute Galdakaotik iritsi den lan honetan. Gainera, teknikoki kalitate handiko pieza aurkeztu dute. Bi Paula, Peiok eta Miguelek aurkeztu dute bideoa.

No más historias: Mutil batzuk emakumeen paperean jarri dira hausnarketa eginez. Egun oraindik emakume askok pairatzen dituzten desberdintasun egoerak islatu dituzte lan honetan Carla, Sheila, Jon Andoni eta Miguelek.

 

Ikus-entzunezko lan sariduna eta nabarmentzekoak

Sariduna

Errebelazioa: Teknikoki oso lan ona aurkeztu dute Miren eta Uxuek, musika, ahotsa eta irudiak bikain lotu dituzte, lan poetikoa eta aniztasuna islatzen duena, gorputzena, identitateena… sexualitatea eta afektuak azaleratzen ditu.

Kalitate teknikoagatik lehian egon dira ere; NO, ¿Por qué? eta Gure Misioa lanak.

Beldur Barik 2020 lehiaketa datuetan

Kategoria Z %
1. 12/13 urte 34 16,7
2. 14/18 urte 138 67,6
3. 19/26 urte 32 15,7
GUZTIRA 204 100,0

 

PARTE-HARTZEA Z %
Taldeko lana 194 95,1
Bakarkako lana 10 4,9
GUZTIRA 204 100

 

LURRALDE HISTORIKOA Z %
ARABA 15 7,4
BIZKAIA 120 58,8
GIPUZKOA 69 33,8
GUZTIRA 204 100

Epaimahaiaren osaera

 

Lan irabazleen erabakia azaroaren 20an, ostirala, eman zen argitara Gipuzkoako Foru Aldundian jazo zen sari banaketan, baina epaia azaroaren 13an eman zen EUDELen Bilboko egoitzan.

Hauek izan dira aurtengo irabazleak aukeratzeko epaimahaikideak:

Emakunde-Emakumearen Euskal Erakundea
Izaskun Landaida zuzendaria eta Josune Ortiz berdintasun-teknikaria.

EUDEL
Eukene de Miguel berdintasun-teknikaria. 

Arabako Foru Aldundia
Nerea Melgosa Berdintasunaren eta Giza Eskubideen zuzendaria eta Edu Portilla berdintasun-teknikaria.

Bizkaiko Foru Aldundia
Enplegu, Gizarteratze eta Berdintasun Saileko Berdintasunerako zuzendari nagusia Patricia Campelo eta Berdintasunerako teknikaria Begoña Zugadi.

Gipuzkoako Foru Aldundia
Berdintasunerako Organoko zuzendaria Miren Elgarresta eta Berdintasuneko teknikaria Aurora Iturrioz.

Beldur Barik programaren talde eragilearen ordezkaria.

Bi artista feminista
Beatriz González Rojo (Beldur Barik 2020ko irudien egilea eta sari-banaketan parte hartu zuena).
Maider Oleaga, gidoilari eta dokumentalen zuzendaria.

 

Lehenengo eta bigarren kategorietarako, gainera, honako hauek parte hartu dute:

Eusko Jaurlaritzako Hezkuntza Saila
Haizea Kareaga berdintasun-teknikaria.

Beldur Barikeko lehiakide ohia eta 2019ko lan grafikoagatik saritua
Amaiur Urkia.

 

Bestalde, hirugarren kategoriako sarien aukeraketan honako hauek ere parte hartu dute:

Eusko Jaurlaritzako Gazteria Saila
Oscar Longo Gazteen Euskal Behatokiko teknikaria.

Euskadiko Gazteriaren Kontseilua (EGK)
Irati Baroja berdintasun-teknikaria.

Beldur Barik taldeko lehiakide ohia eta 2019ko hirugarren kategoriako irabazlea
Naroa Elortegi.

Beldur Barik taldeko lehiakide ohia eta bigarren kategoriako aipamen berezia 2018an
Jone Goitisolo.

 

Lanak irisgarriagoak izatearen beharra

Aurtengo lehiaketara aurkeztu diren lanetan, azpitituluak eta soinu hobea faltan bota dira. Beldur Barik 2021 lehiaketa irisgarriagoa izateko helburuarekin artikulu bat idatziko dugu hurrengo egunetan, gomendioekin.

Eskerrik asko Beldur Barik 2020 lehiaketan parte hartu duzuen gazte guzti-guztiei eta baita gazteak lagundu dituzuen berdintasun teknikari, irakasle eta hezitzaile guztiei ere!

 

 

 


18/01/21