Beldur Barik Jarreraren definizioa

via GIPHY

Zenbatetan entzun duzu Beldur Barik Jarrera? Gorputzak, maitasuna, aniztasuna…. Beldur Barik Jarrerarekin bizi behar dugula, gure Beldur Barik Jarrera zabaldu behar dugula… Askotan ziurrenik!

Gure oinarrietan aurkituko duzu zer den Beldur Barik Jarrera. Baina hona ere ekarri nahi dugu argi eta garbi gelditzeko!

BELDUR BARIK JARRERAREN DEFINIZIOA

Indarkeriaren gainean egiten den irakurketa:
· Irudikapen sentsazionalistetatik eta melodramatikoetatik aldentzen da.
· Hausnarketa egiten du faktoreen inguruan, indarkeria sexistaren zein indarkeria matxistaren bestelako adierazpenak (translesbohomofobia) existitzea ahalbidetzen dituztenen inguruan.
· Honako estereotipotik haratago doa: indarkeria fisikoa bikotearen zein bikote ohiaren testuinguruan.
· Gazteek zehazki bizi dituzten ezberdintasun eta sexismo adierazpenak identifikatzen ditu, testuinguru anitzetan eta beraien egunerokoan.

Proposatzen duen irtenbidea:
· Indarkeria motak eta horiek sortzen dituzten faktoreak zein adierazpenak identifikatzeaz gain, aurre egiten zaie jarrera kritikotik, urratzailetik eta positibotik.
· Azaltzen diren irtenbideak indibidualak zein kolektiboak izan daitezke.

Igortzen diren mezuak // nola irudikatzen diren pertsonaiak:
· Neskak: Burujabetzazko eta autodefentsazko jarreran irudikatzen dira, indarkeriazko eta ezberdintasunezko egoeren aurrean.
· Mutilak: Ezberdintasunen, kultura matxistaren eta indarkeria sexistaren aurreran jarrera autokritikoan, proaktiboan eta konprometituan erakusten dira, korporatibismo maskulinoarekin hautsiz.
· Gorputzen, identitateen eta sexualitateen aniztasuna ikusgai egiten ditu.

Batu+Gaitezen

Mi meta

Sororidad

Ni naiz

https://youtu.be/BsGbtw9bg-A

Konplize

Beldur Barik Jarrera duten bideo gehiago ikusi nahi badituzu, sartu gure web gunera eta kuxkuxeatu beste edizioetan landu egin dena! Hauxe baita zuen Beldur Barik Jarrera!

Bukatzeko, hementxe berriro Beldur Barik Lehiaketa 2017an nola parte hartu primeran laburbiltzen duen bideoa! Play!

 

Guardar

Guardar