Andrea eta Aiorak ondo azaldu digute nola den baimenen kontua. Baina jakin badakigu baimenen gaia ez dela beti erreza izaten… Adi bideoaren 2:30 minutuari!
Beraz, lerro hauetan baimenen kontua argiago azaltzen saiatuko gara. Dena den, galderarik baduzue, badakizue beldurbarik@gmail.com helbidera emaila bidali dezakezutela. Zuen lanen zai gaude!
Noiz bete behar dut galdetegia?
18 urte baino gutxiago badituzu, baimena bete behar duzu. Bi aukera daude, norbanakoa edo taldekoa.
Norbanako baimena…
18 urte baino gutxiago badituzu, eta proiektua bakarka egin baduzu… BANAKAKO BAIMENA bete behar duzu. Galdetegian sakatu banakako baimena jartzen duen lekuan, ordenagailuan gorde, eta sinatu behar duten pertsonei pasa. Nortzuk sinatu behar dute? Ama/aita zein legezko tutoreek. One way. Inprimatu eta gero scaneatu edota mugikorrarekin argazki bat egin eta gero guri bidali. Nola? Baimena sinatuta duzunean, sakatu EXAMINAR botoia eta hor baimena erantsi. Erraza, ezta?
Taldeko baimena…
Zer gara gu? Zer gara gu? Ikasgela edo hezkuntza zentrua gara gu! Beraz, klasean landu duzue zuen Beldur Barik Jarrera, indarkeria sexistaren inguruko hausnarketa egin duzue, eta zuen lana zabaltzeko prest zaudete. Primeran. Galdetegian sartu, taldeko baimena deskargatu eta irakasleari pasa. Berak zentroko zuzendaritzari pasako dio eta bera izango da eranskina beteko duena.
Oinarrietan jartzen duen bezala: 2 Eranskina. ikasgela edo hezkuntza zentro bezala aurkezten diren lanentzako. Eranskin hau betetzeko ardura zentroko zuzendaritzarena izango da, zentroa bera izango delarik banakako baimenak jasotzearen arduraduna. (Sakatu hemen baimena deskargatzeko).
Ba ez, ez gara gur, ez gara gu ikasgela edo hezkuntza zentrua… Gaztelekutik zabaldu nahi dugu gure Beldur Barik Jarrera! Primeran! Adi orduan hurrengo informazioari!
Gazteleku gisa edo bestelako gazte, kultur, kirol edo gizarte elkarte gisa parte hartuz gero, elkarteak banako baimen guztiak batera bidaliko ditu. Oinarrietan dioen bezala: proiektuan parte hartzen duten parte hartzaile guztien banakako baimenak aurkeztu beharko dira, eta batera aurkeztu beharko dira.. Azken hau zip edo rar fomatuen bitartez egin dezakezu.
Aurreko post batean genion bezala: «Beheko partean markatu zein baimen mota den (Taldeko baimena edo banako baimena), deskargatu baimenak eta gero Examinar botoia sakatuz, zuen ordenagailuan bilatu eta igo. Nondik bidaltzen duzuen lana ere jakin nahi dugu! Hauexek dira aukerak: Hezkuntza zentrua, unibertsitatea, Gaztelekua, Gaztetxea, Kolektibo Feminista, Udalak antolatutako tailerra, Gure kabuz aurkezten gara, Elkartea eta Beste aukera batzuk. Jarri ere bere izena. Ez ahaztu kontakturako pertsona baten datuak ere erraztu behar dituzuela!«
Beno… ez da hainbesterako izan, ezta? Datorren astean bideoak Youtube edota Vimeora igoko ditugu… Bitartean… Jarraitu zuen Beldur Barik Jarrera zabaltzen!!!