Categoría: <span>Gaiak (NO MARCAR)</span>

«Egidazu sandwich bat»

Gamer batek idatzitako testua

Jokuen kulturan, inoiz diskriminazio-ekintzarik jasan edo ikusi ez duenak, online eta ezezagunekin jolastu ez duelako da. Online bideojokoena aparteko mundua da, legerik gabeko unibertso bat.

Batez ere talde-joko lehiakorretan, hala nola, CS:Go, Overwatch, Valorant edo League of Legends, batzuk aipatzearren. Erabiltzaile batzuk benetan toxikoak dira, imjina ezina da. Emakumea izanda ahots-txata erabiltzea probokazio bat dela dirudi: «Itzuli sukaldera», «Egidazu sandwich bat», «Baduzu senargairik?» Edo zuzenean «putak», «Isildu hadi, guarra», era guztietako sexu-intsinuazioak… Inor harritzen ez duten irainak dira.

Jolas horietako batean izan nuen azken esperientzian, ez nuen hitz egin beharrik ere izan. Lagun batekin jolasten nengoen, beste hiru talderen konra. Dena ondo zihoan haietako batek nire erabiltzaile-izenari erreparatu zion arte: «Badakit neska zarela», dena esanda zegoen. Komentario matxistak egiten hasi ziren, baina batek badu esperientzia halako iruzkinen aurrean. Asertiboa izaten saiatu nintzen, eta ez entzuna egin nuen, «mutilak, goazen jolastera». Ez zeuden gogoz, eta hurrengo fasera pasa behar izan nuen: erabiltzaileak isiltzera.

Oraindik ikus nitzakeen beraien pertsonaiak nire pantailara sartzen eta keinuka, baina benetan larritu nintzen nire lagunak haien kontra gogor egin zuenean. Ez dut inoiz ikusi haserre, ez dut jakin nahi zer nolako komentarioak egin zituen nik entzuten ez nuen bitartean. Hiru pertsona horien erantzuna? «SIMP».

Simp modako memea da, emakume bat defendatu eta trukean onura sexualak lortzen dituen gizon otzan eta leloari esaten zaio. Emakume bat online defendatzera ausartzen den edozein gizoni izen ona kentzeko aitzakia da.

Horrelako jokoek zigortu egiten zaituzte partida amaitu aurretik taldea uzten baduzu, eta hori irabazi edo galtzeko baldintzatzaile izan daiteke kasu batzuetan. Nire lagunari ere isiltzeko eta jolasten jarraitzeko eskatu nion, beraz. Jakina, honek ezin zuen hor amaitu. Entzuten ez geniela konturatu zirenean, «Body-blocka»  egiten hasi ziren, beren pertsonaiak nirearen inguruan jarriz txanda bakoitzean, ni ez mugitzen uzteko. Nik ezin nuela jokatzen jarraitu erabaki zuten. Partida galdu genuen, baina hori gutxienekoa izan zen. Jokatzeko gogoa ere galdu genuen, beraz, haiek irabazi zuten.

Sare sozialetan bezala, pertsona horiek anonimotasunean eta momentuko iheskortasunean oinarritzen dira, toxikoak eta matxistak dira, «trollatzen ari dira». Eta ez dago aitzakiarik.

Autodefentsa_femini

Beti aurkituko duzu jarrera horiek defendatzen dituen norbait: «Gizonak ere zirikatzen dituzte», besobakar, gaizto, jolasten ez dakitela esaten diete. Dena den, komentario hauetan eta besteetan ezberdintasunik ikusten ez baduzu, arazoaren parte zara.

Eta, jakina, badago biktimari errua botatzen dionik ere: «Baina nola bururatzen zaizu modu irekian hitz egitea? Badakizu zer gertatuko den! «,» abatarra eta nick-a aldatu beharko zenituzke, neska zarela igartzen baita «. Horrela ez gaituzte babesten, ikusezin bihurtzen gaituzte.

Emakume gisa izan dudan esperientzietako bat besterik ez da hau, baina denetarik ikusi dut. Emakumeen, transexualen, homosexualen, hitz egiteko zailtasunak dituzten pertsonen eta haurren aurka. Diskriminazioa eta indarkeria matxista gai-zerrendan dago online munduan ere.

Defenda zaitezke. Zure aliatuak isiltzeko eta erabiltzailea salatzeko botoiak daude. Lagun artean jokatzen baduzu, anima zaitezte ere salatzera. Eta baliabideak baldin badituzu, grabatu erasoak, erakutsi sare sozialetan, etiketatu jokoa eta konpainia arduraduna. Asko dira, eta gero eta gehiago, jarrera horiengatik etengabe baneatutako erabiltzaileen kasuak. Baina ez dira nahikoak gure helburua bete arte: toxikoak eta matxistak ez diren eta diskriminaziorik ez duten komunitateak lortzea.

GAI HONETAN SAKONTZEKO

Valorant ya tiene un gran problema de sexismo y Riot Games busca cómo solucionarlo

Quién era Maria «Remilia» Creveling de League of Legends

La homofobia, el machismo y la misoginia: una lacra para los esports y los videojuegos

A fregar


20/08/20

BIKINI BELDUR BARIK OPERAZIOA

Udaberri osoa konfinatuta egon gara, ez ditugu gure lagunak ikusi, munduko pandemia baten parte izan gara eta… etengabe entzun ditugu egoera horren ondorio larriak: GIZENDUKO GARA!

Alde batetik, konfinamenduaren aurreko (argalak) eta ondorengo irudiak (lodiak), gorputz potolen bideoak… elkar partekatu ditugu. Horrez gain, influencer batzuk barkamena eskatu dute aurten «bikini-gorputzarik izango ez dutelako»…

Eta orain, uda heldu da, hondartzan lagunekin bainatu gaitezke, crush hori berriro ikusiko dugu… dietei buruzko iragarkiak ikusten hasi gara, gosea kentzeko pastillak,  eta  hori gutxi balitz, zure ama eta zure lagunak dietan hasi dira. Argh! 24 ordu horrekin!

Urtero berdin gaude, baina zergatik ematen du neskek beti «perfektu» egon behar dugula? Besteei bizitza/bista alaitzeko jaio al gara? Eta zer da “apaindu” behar izate hori? Zikin al gaude? ‘Hautsita’ al gaude?

Ziur mutilei entzun diezula ikaskideren baten gorputzari buruzko aipamenak egiten (objektu bat balitz bezala). Askotan guk geuk ere beste nesken gorputzei buruzko kritikak egiten ditugu, gure artean txikikeriaren bat dagoenean. Egunero, gure gorputza nola aldatu esaten diguten mezu pila bat jasotzen ditugu, presio estetikoa izugarria da, eta normala da gure artean alderatzea, gure influencer gogokoenen argazkiak ikustean gure autoestima jeistea edo gure gorputza ez dela behar bezain polita edo desiragarria birplanteatzea.

Normalean, gorputz perfektua irudikatzen dugunean, edertasun oso konkretua irudikatzen dugu. Emakume gazteak, zuriak, dibertsitate funtzionalik gabeak, brontzeatuak, altuak (baina ezta ere gehiegi), gehienetan ilehoriak, oso argalak, baina aldi berean ipurdia, titiak handiak dituzrela, eta abar luze bat. “Eta ni nolakoa naiz?” galdetzen diogu feure buruari.

Zer gertatzen da gure gorputza iragarkietan edo sare sozialetan agertzen denarena bezalakoa ez bada? Zer gertatzen da ‘moldeak hausten’ baditu?

Gorputz guztiak dira politak eta desiragarriak, izan ere, gustuak mota askotakoak dira! Utz diezaiogun estereotipoak erreproduzitzeari eta utzi gorputzak taburik gabe bizitzen!

Gozatu zeure gorputzaz, jantzi nahi duzun bezala, mugitu bootya eta dantzatzera! Zuk markatu zeure arauak! Eta gogoan izan zure gorputza estetika baino askoz gehiago dela, egunero zutik mantentzen zaituena dela, mendi batera igotzen zaituena, eguzkiaren beroaz eta itsasoaren lasaitasunaz gozatzen duena.

Estereotipoekin hautsi eta Beldur Barik bizitzaz gozatu nahi dugulako…

Operación Bikini Beldur Barik. Rompe con los estereotipos y a disfrutar. | Bikini operazioa Beldur Barik. Hautsi estereotipoekin eta gozatu.

Hautsi ditzagun moldeak!

  • Utz diezaiogun gure edo besteen gorputzak erasotzeari eta zigortzeari.
  • Ez egin zure gorputzari buruzko komentario iraingarririk. Zure gorputzaz gaizki hitz egiteak boomerang efektua du, eta zure inguruko pertsonengan segurtasunik eza eragin dezake.
  • Defendatu zure lagunak mutilek haiei buruz objektu gisa hitz egiten dutenean.
  • Bikini edo hondartzako gorpuak defendatu. Bikinirik baduzu? Hondartzara zoaz? Hortaz, baduzu hondartzako gorputz bat!

Neurri, forma eta kolore guztietan gatozelako, eta denak berdinak izango bagina bizitza oso aspergarria izango litzatekeelako! Imajinatzen duzu denok molde beretik aterako bagina? Kopia berdinak bata bestearen atzetik?

Udako tip-ak!

  • Nahi duzulako egin kirola, eta ez gizentzeko beldurrez zaudelako! Gozatu endorfinen txutea, eta ez erre den kaloria kopurua.
  • Zaindu zeure burua barrutik eta kanpotik. Saihestu gosea pasarazten dizuten eta debekatutako janariak ezartzen dizkizuten dietak. Izan zaitez fidel zure beharrekin eta ez ezarritako arauekin, inork ez du zure gorputza zuk baino hobeto ezagutzen! Ulertu zer sentitzen duzun ondoen, fisikoki eta mentalki.
  • Identifikatu zure gorputzari egiten dizkiozun kritikak eta gainerakoekin egiten dituzunak. Zergatik kritikatzen dugu gure gorputza edo gainerakoena? Zer adierazi nahi dugu?
  • Zeuren buruarekin konplexuren bat duzula nabaritzen duzuenean eta eguna tristetzen ari bazaitu horrek: Idatzi nola sentitzen zaren. Zergatik sentitzen zara horrela? Zergatik etorri zaizkigu burura pentsamendu horiek?
  • Eta gogoan izan beti: merezi duzula maitatua eta desiratua izatea.

«Normaltasun berri bat» nahi dugulako, iraganeko araurik gabe, denok sartzen garen normaltasun berri bat.

Aurten Bikini Beldur Barik operazioa!  

GAI HONETAN SAKONTZEKO:


28/07/20

ONDO MAITE

«Nik esaten dizudana da ondo maitatu behar zaituztela, ez asko edo gutxi«, esan zidan amak maitemintze horiekin hasi nintzenean.

Asko gustatzen zitzaidan nire klaseko edo ostiraletan kantxa berean entrenatzen zuen beste talde bateko norbaitekin amets egitea. Goizero irribarre batekin jaikitzea lortzen zuen pertsona berezi harengan pentsatzen eman nahi nituen orduak. Norbaitekin maitemintzen nintzenean sentitzen nuen nerbioei buruz hitz egitea gustatzen zitzaidan. Egia da, halaber, bi astero pertsona ezberdin batekin maitemintzen nintzela eroki, nigan interesik ez zutela ikusi orduko, pertsonaz aldatzen nuen.

Baina, lagun, gaizki pasatzen nuen. Orduan hasi zen ama moskeatzen, maitasun erromantikoa oso lotuta baitago mina erromantizatzearekin, eta horrek ezin du horrela izan.

Pentsamenduak lausotzen zitzaizkidan. Harreman horietan joaten zitzaizkidan indar guztiak, pentsatzen nuen agian neu nintzela gertatzen zitzaizkigun gauza txarrak aldatzeko arduraduna, norbait zoriontsu izan zitekeela nire ondoan. Nire lagunek egun bat gehiago pasa zezaketela ni ikusi gabe. Nire ikasketak ez zirela hain garrantzitsuak.

Harremanak guztiaren gainetik jartzen nituen. Esku artetik ihes egiten zitzaidan kontua.

Hori diot, azterketen gainditzeak eta suspentsoak, laneko akatsak eta asmatzeak oso lotuta egon baitira nire maitemintzeekin.

Eta horrek ezin zuen horrela jarraitu. Amak oso ondo esan zidanez, ondo maitatu behar gaituzte eta ondo maite behar dugu jendea eta baita geure burua.

Pixkanaka ikasi dut zer den harreman osasuntsua izatea. Ezer aldatzen saiatu gabe, dena da erraza pertsonek ondo elkar maite dutenean. Horrek harreman afektibo guztietarako balio du; familia, lagunak, animaliak…

Aprendamos a diferenciar el querer bien del amor romántico tóxico. Actitud Beldur Barik 2020.

Batez ere, neure burua zaintzen ikasi dut. Neure buruaren gainetik ezer ez dagoela ikasi dut.

Orain badakit nire lagunak nire lorategiko babeslekua direla, ureztatu eta zaindu behar dudan lorategia, loreak indartsu hazten jarrai dezaten.

Jada, ez dut uste nire jendeak dena jasan dezakeenik, ez.

Maitemintzen jarraituko dut, baina modu egokian. Pelikuletan erakutsi diguten maitasun erromantiko toxiko horretatik bereiziko dut, modu kontzientean egiteko, nire bikotekideak eta bidaia-lagunak zainduz.

Has gaitezen behingoz ondo maitatzen!

Eskerrik asko ama!

 

IRAKURKETA INTERESGARRIAK:

• Maitasun erromantikoaren mitoak.

• Genero indarkeria eta maitasun erromantikoa.

 

BIDEO INTERESGARRIAK:

• Eneko Sagardoy: Laranja osoa.

• Nola maite behar dugu feministok? 

 


13/07/20

“HILEKOAK MIN EMATEN DIT”

Mina, deserosotasuna, mina, usaina, mina, ondoeza, deserosotasuna, mina, «buffff-a», mina…

Horiexek izan dira 30 urtetik beherako hogei bat neskari burura etorri zaizkien lehen hitzak, hilekoa entzutean. Beno, «zikloren» bat eta «ilargiren» bat ere aipatu dira (itxaropena badagoela dirudi).

Ez al da bitxia hilekoa dugun pertsonok hilero behin, gutxi gorabehera, hainbeste gogaitzen gaituen gertaera fisiko hau izatea, eta hain lasai egotea?

Ei! hilean behin hileko aaaaaasko dira gure bizitzan zehar (450 inguru).

Nolatan ez gara ari zerua eta lurra mugitzen horri irtenbidea bilatzeko????

Ba, ibuprofenoak hartu eta ez dugu oso ozen hitz egiten, ez gara kexatiegiak izango. Ez da ahultasuna erakusteko momentua. Egokitu zaiguna da, eta kitto. Guztiarekin Aurrera egin dezakegu. Show must go on.

Gainera, horretaz ez da hitz egiten. Ez behintzat naturaltasun handiz. Tanpoi eta konpresen lau iragarkik, benetako esperientzietatik abiatu beharrean, hodei eta likido urdinezko mundu bat saltzen digute, eta usainik ez hartzea eta ia ez nabaritzea lor dezakegula espero dugu. Ez ikusiarena egin.

Eta horrela, komunera joateko poltsatik ateratzen dugun konpresa asko ikus ez dadin ahalegintzen gara, kontu handiz ibiltzen gara galtzak ez zikintzeko, eta hobe dugu etxean geratzea hilekoa jaisten zaigun egun horretan, «bola zomorroa» bagina, ez gaitezen koadrilanfestaren tristura izan.

Eta, jakina, barre egiten jarraitzen dute lagun arteab baten batek esaten duenean: «joe, aizu, badirudi hilekoa duzula». “Hori nesken kontua da”.

Ba, begira, esaldi hauek guztiak patriarkatuaren gauzak dira.

Gizarte honetan oraindik ere, emakumeon gorputzekin zerikusia daukan guztia ikusezin edo negatibotzat hartzen da, eta emakumeok gaizki badaramagu asuntoa, gure arazoa dela sinestarazten digute.

Ba aizu, ba al dakizu zer?

EZ, EZ DA NORMALA MIN EMATEA ETA HAINBESTE MOLESTATZEA.

EZ DA NORMALA GURE GORPUTZEI BURUZ HAIN GUTXI JAKITEA.

EZ DA NORMALA HILEKOA EXISTITUKO EZ BALITZ BEZALA EGITEA.

Zer iruditzen zaizu horri buelta bat ematen saiatzen bagara? Elkarrekin, noski. Hona hemen hiru gako:

1. EZ DA HILEROKOA, ZIKLO BAT DA.

Batzuek esaten zuten bezala, hilerokoak, ilargiak bezalaxe, «zikloekin» zerikusia du.

Ez dugu soilik X egunetik behin odolusten (psssss ez dira beti 28 egun izaten!), baizik eta hainbat fasetatik igarotzen gara: hilekoa, aurreobulazioa, obulazioa eta hilero-aurrekoa.

Pixka bat gehiago jakiteko:

La Regla, la píldora y otras cosas que no nos han contado. Psico Woman con Enriqueta Barranco.

Espacio de desaprendizaje. Iratxe Gil. Psicóloga, sexóloga y educadora menstrual.

Menstruar consciente. ¿Qué aporta conocerse? Pikara Magazine.

Las reglas sagradas. Psico Woman | VERNE.

Gai honetan sakontzeko:

Ikusi ‘Monthlies’ Diana Fabianovaren dokumentala, 2016 (nerabeentzako)

Ikusi “La luna en ti”, Diana Fabianovaren dokumentala (2010)

Erika Irusta, hilekoaren pedagogoa:

2. KOPA EZAGUTZEN AL DUZU?

Hilekoarentzako kopa edo baginakoa deritzona, konpresak eta tanpoiak baino aukera osasungarriagoa, ekologikoagoa eta merkeagoa da.

Gainera, gure gorputzarekin kontaktuago egoteko tresna bat ere bada: ikusi, usaindu, ukitu dezakezu.

Pixka bat gehiago jakiteko: La copa menstrual | Psico Woman.

 3. AUKERATZEKO INFORMAZIOA. AHALDUNTZEKO AUKERATZEA!!!

Hitz egin dezagun hilekoari buruz, partekatu ditzagun esperientziak eta informazioa.

Nire hilekoa, gure gorputzarekin kontaktuan.


16/12/20

EKAINAK 28

Emakume feminista gazte baten bizipenak eta harrotasuna

16 urte ditut, eta Maialeni, nire lagun onenari, kontatu diot azken aldian Oihanek urduri jartzen nauela, Historiako klasean pixka bat aurrerago esertzen den neskak. Baina urduritasun ona, hau da, gustatzen zaidala. Begiratzen diodanean oso politta iruditzen zait eta esaten duen guztia oso interesgarria da, emakume argia da; baina «zer esan nahi du urduritasun honek? Oihanek erakartzen nau edo emakumeek erakartzen naute?”, galdetzen diot nire lagunari eta berak erantzuten dit: «Zer axola du horrek?”. Niri gehiago kostatu zitzaidan gogoeta horretara iristea.

Urteak joan eta urteak etorri, nire sexu-orientazio heterosexualarekin jarraitzen dut, bi urte daramatzat nire mutil-lagunarekin harremanetan, eta momentuz, ez nau emakume batek erakarri Oihanek egiten zuen bezala. Bapatean, unibertsitateko autobusean berriro ikusten dut, eta hara! Asko gustatzen zaidala berresten dut. «Zer gertatzen da hemen?» galdetzen diot neure buruari berriro.

Donostiatik Bilbora egiten dut salto, eta nolako salto ederra gainera! Imajinatzen ez ditudan aukerak agertzen zaizkit begi aurrean. Emakume feministak ezagutzen ditut, emakume lesbianak, identitate ez-binarioa duten pertsonak, eta aurretik planteatu ere ez ditudan aukera amaigabeak agertzen zaizkit. Jakina, nire institutuan ia denak heterosexualak ziren (edo hori uste nuen nik behintzat) eta ordura arte ez nuen nire orientazioa planteatzeko aukerarik izan. Gerora heteronormatibitatea zer den ikasi dut.
Bilbon nagoela, izateko, sentitzeko eta bizitzeko modu gehiago badaudela konturatzen naizenean, aukera berriak bizi nahi ditut, eta lesbianen lehen gaualdi poetikora apuntatzen naiz. Bertan, neska batek sakon begiratzen nau eta tonu bereziarekin garagardo batera gonbidatzen nau. Niri hankak dardarka jartzen zaizkit. Atzera begiratuz, LGBTIQ+ kolektiboan murgildu nintzenetik gogoratzen dudan unerik gozoenetako bat da momentu hura.

Gaur, 2020ko ekainaren 28an, Harrotasunaren aldeko manifestaziora noa Bilbon. Bost urte daramatzat harreman sexual-afektiboak izaten emakumeekin, eta 4 dira gaurko egun honetan harrotasun amaigabearekin bizi ditudan manifestazioak. 

Baina gaur galduta nago berriro. Oso lesbiana nintzen, bollera, zin dagizuet, eta ez nuen imajinatzen gizonekin harremanak berriro izango nituenik. Baina gizon batekin maitemindu berri naiz, beraz, armairutik irten eta berriz ere arazoren bat edo beste sentitzen dudan arren, oso ZORIONTSU naiz. Pozik nago aske sentitzen naizelako, nere buruari edozein pertsonarekin maitemintzen uzten diodalako, edozein sexu-generotakoa izanda ere.

Gaur manifestaziora libre noa, aske sentituz, urte osorako maitasuna ematen didaten lagun taldearekin. Heterolesbianabisexualpansexual, ez dakit zer naizen.  Eta nori axola zaio? Y A QUIÉN LE IMPORTA (lo que yo haga, laralalala…).

GORA HARROTASUNAREN EGUNA!

LGTBIQ+ gaia jorratzen duten erreferentziak:

Abestia: Izan zu zeu. La Basu.

Azalpen-bideoa: ¿Qué es la bisexualidad? ¿pan-bi…? Reflexiones sobre Bifobia y + por Psico Woman y Elisa Coll.

Liburua: ¿Por qué ser feliz cuando puedo ser normal? Jeanette Winterson-ek idatzia.

Filma: CAROL, Todd Haynes-ek zuzendua.

Antzezlana: Elisa y Marcela.

Persona envuelta en la bandera LGTBIQ


30/06/20

IRAGANEKO ESPERIENTZIAK

Indarkeriak egunero bizitzen ditugu eta espazio guztietan daude. Horregatik, horiei aurre egiteko tresnak sortu eta erabili behar ditugu. Sororitatea, autoestima, bakoitzaren eta kolektiboaren elkar arteko lanak, besteak beste, ahalduntze prozesuaren parte dira eta ibilbidea errazten dute.

Mi Meta bideoko bi lehiakidek, Itziarrek eta Nahiak, istorio hau kontatzeko sentitu zuten beharrari buruz hitz egiten digute, eta beraientzat zein berezia izan zen lehiaketan parte hartzea eta Topaketa bizitzea azaltzen dute.


 


22/06/20

Yes, We Fuck!

Aniztasun funtzionala duen emakume baten bizipenak eta begiradak.

Eta bai, horrela hasiko naiz.

Guk ere txortan egiten dugu. Larrua jotzeko gorputz eta modu desberdinak daudela kontutan hartzen ez duzuen arren. Nahiz eta dibertsitate funtzionala duten pertonek larrua jotzea zaila dutela imajinatu.

Pertsona sexuatuak garela ahaztu egiten duzue, eta, beraz, zuek bezala, gure premia sexualak eta afektiboak ditugula. Hementxe da non min egiten duten begiradei buruz hitz egitera paratzen naizen. Ezberdintzen gaituzten begiradak dira horiek, eta desberdin begiratzen gaituztenak, begirada epaitzaileak, bazterretan uzten gaituztenak.

Gizarte-iruditeriak ez dio gizartean dugun presentzia normalizatzeko eskaerari erantzuten. Eta are gutxiago onartzen du guk ere gure sexualitatea bizi dugula. Sexualitate horri betoa jartzen dio, eta, gainera, paternalismoz tratatzen da.

Bitxia da entzutea aniztasun funtzionala duen bikote bat ikusten duzuenean: «ze polita, maitasuna aurkitu dute».  Eta aldi berean, ukatzen gaituzue. Ez duzue zeuen burua gurekin harreman batean ikusten, aniztasuna ez baita erakargarria. Eta hona hemen ezustekoa! Aniztasuna bada erakargarria. Estereotipikoa dena ez duelako zertan beti erakargarria izan behar. Gorputz guztiak dira erakargarriak eta gureak ere bai. Begiradak dira erakargarriak, konektatzeko moduak, elkarrizketa interesgarriak, biek ala biek behar ezberdinak izatea. Izan ere, bi noranzkoetan konektatzea erakargarria da.

Eta seguru aski, zeuen buruari galdetuko diozue: zer da bi noranzkoetan konektatzea? Bi norabideetan konektatzea, zurekin egon nahi duen pertsona hori mundu ezezagun batean murgiltzean datza. Komunikazioa, egiteko modua eta jarduteko modua elkarren ahaleginetik egitea. Aniztasunaren onarpena praktikara eramatea da, paternalismoa alde batera utziz eta pertsonen arteko harremanak normalizatuz. Alegia, alde batera uztea nire aniztasun ez-normatiboa, eta, aldi berean, onartzea.

Nire aulkia nire parte delako, baina ez da ni. Nire gorreria, nire parte delako, baina ez da ni. Nire itsutasuna nire parte da, baina ez da ni. Nire paralisia nire parte da, baina ez da ni. Izan ere, nire aniztasun intelektuala nire zati bat da, baina ez da nire guztia.

Aurre egin behar diezue ni beste edozein emakume bezala ikustera eragozten dizkizueten oztopoiei. Aniztasun funtzionalen bat dugun emakumeok maitatzeko gai gara, larrua jotzeko gai, gauza anitz sentitzeko gai gara, ulertzeko gai gara, independenteak izateko gai gara eta, aldi berean, harreman afektibo-sexualak izateko gai gara.

Nik ez diot aniztasunari beldurrik, zuk beharbada bai.

Yes, we fuck! Niri ere gustatzen zait larrua jotzea, eta zuk adina gozatzen dut plazer sexualaz. Ezetz uste baduzu, arazoa zuk duzu, ez duzu uste?

GAI HONEKIN LOTURIKO ERREFERENTZIAK:

Dokumentala: Yes, we fuck! 

Abestia: VIVAS, Mujeres con discapacidad intelectual cantan por la igualdad.


16/06/20

LIGOTEO SANOA? YASSS

‘Kaixo gazte!

Covid-19 dala eta ez dala… aurtengo udan, herriko jaietako parranda eta asteburuko jai-giro gabe, ligoteoa, dantza eta algara ZER? 🤔

Gazteak gara, ongi pasatzea merezi dugu eta guretzat ligoteoak ez du etenik! Konfinamendu garaian leihotik ikusten nuen pertsona hori gogoan daukat, badira aste batzuk ez dudala nire etxepetik ikusi, baina lagun batek bere Instagrama pasa dit… eta hor nabil, zerbait idatzi, like bat eman edo zer egin pentsatzen! WTF! Eske kaka eman gabe, nola hasi naiteke pertsona batekin hitz egiten? Behar bada errekan edo parkeko tabernatik pasa daiteke egunen batean, eta orduan zer?  Badakit! bere begirada bilatuko dut, baina errespetuz. It´s nice! eta gero Instagrametik idatziko diot… eta kasurik egiten ez banau, zer?

Hainbatek ez dutela gurekin hitz egiten hasi nahi kontuan izan behar dugu!

Good game lagun!’

Ligoteo Sano? Yasss | Sé tú. Sin Máscaras. Para hacer frente a la Violencia Machista, súmate a la Actitud Beldur Barik!

ERRESPETUZKO LIGOTEORAKO DEKALOGOA

 

HELBURU BERRIAK EZARRI

  • Norbaitekin muxuka edota zirrika hasteak, ez du esan nahi harremanaren intentsitatea areagotuko denik…. #elkarrekin jolastea cool da!!
  • Begiradek, elkarrizketek edota like batek ez dute zertan ezer gehiago esan nahi. Hori onartu izanak, ez du beste guztiarentzako baietza adierazi nahi.  “Ezetza” edozein momentutan eman dezaket.
  • Nire telefono zenbaki, Instagram, Twitter edo Facebook kontua eman nahi ez ditudalako, ez naiz desatsegina! Beraz, ez naiz horretara behartuta sentituko. Nire bizitzan zein nire bizitza birtualean nor sartzen den erabakitzeko eskubidea daukat, ez badut nahi, AGUR!

“EZETZA” KUDEATZEN IKASI

  • Lagunen bat afektuz adierazten bazait, EZ FLIPATU! Ez du esan nahi nirekin ‘atera’ nahi duenik.
  • Norbaitengana gerturatu aurretik, besteak ere ni gerturatzea nahi duela baieztatu behar dut. Hainbatek ez dutela nirekin hitz egiten hasi nahi jakin behar dut! GG!
  • Nire proposamena ez badute onartzen, ez naiz astuna izango eta ez dut bestea niri kasu egitera behartuko. Ezetza onartuko dut eta ez dut kakarik emango!
  • Norbaitek gogaitzen bagaitu edota beste inor molestatzen badabil, jarrera horrekin amaitu dezan, taldean elkarrekin erantzungo diogu. AUTO-DEFENTSA-FEMINISTA!

HARREMANTZEKO MODU BERRIAK EZAGUTU 

  • Aizu! Ez dut aurreiritziengatik aukerarik galduko. Pertsona baten ezaugarriek erakartzen banaute, aurrera. Aniztasuna ezagutzea FANTASIA da!
  • Ligoteoan nabilen pertsonaren ongizatea zapuztuko duen informazio esanguratsurik ez dut ezkutatuko. GG!
  • Hainbat neskek lehen pausua ematen dute, jarrera aktiboa adierazten dute. Mutilek lehen pausua eman behar dutenaren pentsaerarekin apurtzen dute! YOLO!

GAI HONEKIN LOTUTAKO ERREFERENTZIA MUSIKALAK:

  1. MACHETE EN BOCA taldearen «Yo no soy esa» abestia.
  2. NIZURI TAZUNERI taldearen «Umiltasuna» abestia.
  3. CHOCOLATE REMIX raperaren «Te dije que no» abestia.

09/06/20

EKAINEAN SEXU ANIZTASUNA ETA LIGOTEO SANOA

Kaixo, gazteak!

Post honetan uda honetarako webgunearen argitalpenak azaldu nahi dizkizuegu.

Gaur egungo gaiei buruz hitz egin nahi dugu, buruan ditugun arazo horiei buruz, nola adierazi ideia horiek, nola erantzun gure desioei, inguratzen gaituzten eta aurre egin nahi diegun indarkeriei…

Hau da planteamendua:

  • Ekainean dibertsitate sexualaz eta ligoteo sanoaz hitz egingo dugu.
  • Uztailean Jaiak (beste urtekoekin alderatuta desberdinak izango direnak) eta Autodefentsa Feministari buruz.
  • Eta abuztuan Gorputzen eta Maitasunaren inguruan hitz egingo dugu.

Beraz, 6 gai horiei buruz zerbait irakurtzeko gogoa baduzue, badakizue zuen ahotsak entzuteko irrikaz gaudela; izan ere, zuen ahots eta iritziak inportanteenak dira. Bitartean, gu idazten joango gara, bizi ditugun garai arraro hauetan asko baitugu esateko.

GAUR, EKAINAK 2, ANIZTASUN SEXUALAREKIN HASIKO GARA!

Hilabete honetan eguzkiak kiskaltzen gaitu eta gorputzak, sentimenduak eta emozioak, hainbeste konfinamenduren ondoren, adierazteko gogo handiagoarekin daude. Gure gorputzek beraz, aske sentitu nahi dute, askatasun sexuala, aske adierazteko, aske desiratzeko… aske sentitzea baino gauza hoberik ez dago eta. 

Gai interesgarria eta konplexua aldi berean, ezta? Zein zaila izaten den askotan sexualitateari buruz hitz egitea…

Ez al zaizue gertatzen burua zalantzaz beteta daukazuela eta ez dakizuela nori galdetu edo non bilatu zuen erantzunak? Beldur Barik Jarreraz baliatuko gara zalantzak gorputzetik ateratzeko eta gehiago, gehiago eta gehiago galdetzera ausartzeko. Beldurrik gabe.

Sexu-aniztasuna egitate bat da: pertsona adina izateko eta desiratzeko hamaika modu daude, baina, gure gizartean ereduak eta moldeak ezartzen zaizkigu, eta horiek hartzen ditugu erreferentetzat. Garrantzitsua da aske sentitzea, nor garen, nolakoak garen, zer nahi dugun eta zer ez jakitea, askatasun hori aurkitzeko.

Adibide bat jartzearren: badakigu heterosexualitatea dela sexu-joera nagusia, eta idatzi gabeko arau batzuek heterosexual onak izateko nolakoak izan behar garen esaten digutela. Heterosexualitateak lehentasuna izaten jarraitzen duen gizarte batean bizi gara, baina hainbeste sexu-orientazio eta -identitate daude, eta denak ala denak garrantzitsuak eta errespetagarriak dira. 

Gauza bera gertatzen da sexu-identitatearekin. Ez dugu neskak eta mutilak nolakoak izan behar garen esaten diguten panfleto edo kartelik nahi. Ez dugu kolorearen edo arauen arabera bereiziak izan nahi. Norbaitek zugan ikusten duena gustuko ez badu, galdetu diezaiola bere buruari zergatik. Arazoa epaitzen eta mespretxatzen duenarena da, eta ez gurea.

Gizarte honetan, oraindik ere, emakume edota gizon perfektuak izateko arau ikusezinak eta estereotipoak daude. Eta desberdin sentitzen bagara? 

LGBTIQ+ kolektiboak gure sexualitatea bizitzeko beste modu batzuk ikusarazteko lan egiten du. Forma horiek guztiak errealak dira, legitimitate bera dute eta errespetu bera merezi dute.

Sexu-aniztasuna eta gure bizitza bizi nahi dugun bezala bizitzeko eskubidea dugu. Aske. TOPA DEZAGUN HONEN ALDE!

 

Hona hemen gai honen inguruan  erreferentzia interesgarri batzuk. Ikusi edo irakurri al duzue baten bat? Elkarbanatu zuen iritziak gure sare sozialetan. 

Liburua: Andre Aciman idazlearen ‘Call me by your name’ 

Antzerkia: A Panadeira konpainiaren ‘Elisa y Marcela’ 

Seriea: Netflix-en ‘Sex Education’

Filma: Matthew Warchus zuzendariaren ‘Pride’


02/06/20

BELDUR BARIK JARRERA KONFINAMENTUAREN AURRETIK, BITARTEAN ETA ONDOREN

Beldur Barik Jarrera kultura eta indarkeria sexistaren kasuak salatzeko konpromisoa zuregan hartzean erakusten duzun jarrera da. Pertsona batzuek badute ezetz esateko indar hori, baina beste batzuek badituzte beste tresna batzuk indarkeriari aurre egiteko. Izan ere, danok bilatzen ditugu errespetua, askatasuna, autonomia, erantzunkidetasuna eta zergatik ez, guztion artean indarkeria salatzea. Gizarte justuago eta parekideago batean bizi nahi dugulako.

Indarkeria ez da soilik eraso fisikoa edo sexuala. Baimenik gabeko zirriak eta musuak, intimidazioa, komentario, irain eta keinuak ere  badira. 

Beldur Barik programan hainbat gai tratatuko ditugu: gorputzak, sexualitateak, ligoteo osasuntsua, jaiak, autodefentsa, maitasuna, aniztasuna etab. Gainera, batera lan egingo dugu indarkeriarik ikusezinenak identifikatzeko eta sexismoa non ematen den ulertzeko.

Emakumeen aurkako indarkeria prebenitzeaz gain, batez ere emakume gazteek jasaten dutena indarkeria identifatzen dugu, emakumeei tresnak eta baliabideak emanez, indarkeria sexista ezagutu eta aitortu ahal izan dezaten. Aldi berean, mutilekin lan eginez, jokabide sexistak prebenitzea eta erasoen aurrean salaketa-lan aktiboa egiteko.

Gure etxeetan konfinatuak egon arren indarkeriari aurreko egiteko programa honekin lanean jarraitu dugu, inoiz baino gehiago. Matxismoak ez du egoera honetan espazio gehiagorik hartuko. Eta horregatik, hainbeste aldaketa eta berritasun izan ditugun urte honetan, programa honi hiru lelorekin laguntzeko beharra sentitu dugu:

Ni, bakarrik eta taldean, Beldur Barik jarrera

Ni, egun eta gauez, Beldur Barik Jarrera

Ni, kalean eta etxean, Beldur Barik Jarrera

Lehen leloari erreparatuz, pertsona batzuek konfinamendua bakarrik bizitzen ari dira, eta beste batzuek beste pertsona batzuekin bizikidetzan. Egoera baten zein bestean, eutsi Beldur Barik Jarrerari!

Bigarren leloaren harira, eguna eta gaua lausotu egin dira konfinamenduan, baina badakigu indarkeria 24 orduetan presente egon daitekeela, eta ez dugula guardia jaitsiko. Jakin badakigu indarkeria sexistak gogoz jo duela konfinamenduan eta emakume askok bortizkeria jaso dutela egoera latz honetan ere. Horregatik, inoiz baino gehiago eutsi Beldur Barik Jarrerari!

Eta azkenik, badakigu indarkeria gune guztietan egon daitekeela eta etxeko hormen barruan zein kanpoan Beldur Barik Jarrerarekin segi behar dugu!

Pandemia egoera ezohiko hontan, nola ez, indarkeria mota berriei erreparatu behar diegu. Sare sozialak, webinarrak eta aplikazio berriak gure egunerokotasunaren parte bihurtu dira. Online edo offline bidez ere, indarkeria sexistaren kontra egin behar dugu. Zibermatxismoak identifikatu eta salatzea da ere gazteon erantzukizuna.

Gaurkoan proposamen bat luzatzen dizuegu. Ikusi eta entzun Eztizen Agirresaroberen elkarrizketa hau. 2014an Beldur Barik lehiaketan parte hartu zuen Las Panteras Rojas lanarekin. La Furia-ren laguntza ere izan zuten. 

 

 

Eztizen lehengo leloarekin geratu da: «Ni, bakarrik eta taldean, Beldur Barik jarrera».

Zein lelorekin geratzen zara zu?

 

Aukera Lemak


02/06/20