Gazteekin indarkeria matxistaren prebentzioa lantzeko tresna da Beldur Barik programa. Ikus-entzunezko lehiaketa hau aitzakia bat da gure bizitzan indarkeria matxista eta sexista nola bizitzen dugun hausnartu eta biolentzia hauei erantzun indibidual zein kolektiboak planteatzeko.

Urriaren 13an, osteguna, arratsaldeko 17:30-19:30 artean Bilboko San Frantziskoko Udaltegiko aretoan egingo da aurkezpen fisikoa. Bertan aurtengo edizioko nondik norakoak azalduko ditugu, bai eta aurreko urteetako lan aipagarri batzuk ikusi ere. Online saioa urriaren 10ean, astelehena, arratsaldeko 17:00-18:30 artean egingo da. Bigarren honetan edizioko nondik norakoak azalduko dira soilik.

Bietarako izena eman behar da hezkuntza@beldurbarik.eus helbidean.